Masala #1011

Azizjon kinoteatrga borib kino tomosha qilishni yoqtiradi. U bugungi bayram munosabati bilan “Jasur” filmiga chipta sotib oldi. Kinoteatr maydoni nxn (ya'ni n ga n) o’lchamdagi matritsadan iborat bo’lib, Azizjonning biletida (x, y) koordinatadagi joy (ya’ni x-qatordan y-o’rindiq) yozilgan. Azizjon kinoteatr zaliga yetib keldi va hozir o’z joyida o’tiribdi. U zalga erta kelganligi sababli hozirda zalda hech kim yo’q. Azizjon kinoni matritsaning asosiy yoki yordamchi diagonalidagi o’rindiqlarda o’tirib tomosha qilishni yoqtirgani uchun o’zi yoqtirgan eng yaqin joyga borib o’tirmoqchi. U bir o’tishda qo’shni bo’lgan joylarga ya’ni (x+1, y), (x-1, y), (x, y+1), (x, y-1) o’rindiqlarning biriga o’ta oladi. Sizdan Azizjon o’zi yoqtirgan eng yaqin joyiga borib o’tirishi uchun minimal nechta o’rindiqdan o’tishi kerakligini hisoblash talab etiladi.

Uchta butun son n, x, y (1 ≤ n ≤ 10⁹, 1 ≤ x, y ≤ n) beriladi.

Azizjon o’zi yoqtirgan eng yaqin joyiga borib o’tirishi uchun minimal nechta o’rindiqdan o’tishi kerakligini chiqaring.