Masala #1187

Erkin endigina 5-sinfni tugatdi, uning ota-onasi bolasining qayerda ekanligidan xavotirlanmaslik uchun unga telefon olib berishga qaror qilishdi. Erkinjon hali yosh bola, shuning uchun ham u internetdan foydalanmasligi uchun unga oddiy telefon olib berishdi.

Barchamizga ma’lumki, bolalar zerikmasliklari uchun har xil o‘yinlar o‘ylab topishadi. Erkin ham shunaqa o‘yin o‘ylab topdi. Telefonining imkoniyatlaridan kelib chiqgan holda u do‘stiga qo‘ng‘iroq qilmoqchi, ammo bu uni bir bosishda, barmog‘ini ko‘tarmasdan qilmoqchi. Bunda u:

• Ixtiyoriy tugma ustida barmog‘ini bosib tursa, bu tugmada yozilgan raqam 1 marotaba yoziladi;
• 1 sonidan keyin barmog‘ini surgan holda 2 yoki 4 ni bosa oladi;
• 2 sonidan keyin barmog‘ini surgan holda 1, 3 yoki 5 ni bosa oladi;
• 3 sonidan keyin barmog‘ini surgan holda 2 yoki 6 ni bosa oladi;
• 4 sonidan keyin barmog‘ini surgan holda 1, 5 yoki 7 ni bosa oladi;
• 5 sonidan keyin barmog‘ini surgan holda 2, 4, 6 yoki 8 ni bosa oladi;
• 6 sonidan keyin barmog‘ini surgan holda 3, 5 yoki 9 ni bosa oladi;
• 7 sonidan keyin barmog‘ini surgan holda 4 yoki 8 ni bosa oladi;
• 8 sonidan keyin barmog‘ini surgan holda 5, 7, 9 yoki 0 ni bosa oladi;
• 9 sonidan keyin barmog‘ini surgan holda 6 yoki 8 ni bosa oladi;
• 0 sonidan keyin barmog‘ini surgan holda 8 ni bosa oladi.

Birinchi bosishda, Erkin istalgan raqamni bosishi mumkin, ammo bundan keyin barmog‘ini ko‘tarishi mumkin emas.

Agar Erkin qo‘ng‘iroq qilmoqchi bo‘lgan do‘stining telefon raqami \(X\) bo‘lsa, u buni bir bosishda, barmog‘ini ko‘tarmagan qila olishini tekshiring.

Yagona qatorda bitta butun son - \(X(1 ≤ X ≤ 10^9)\) kiritiladi.

Agar Erkin do‘stiga bir bosishda, barmog‘ini ko‘tarmasdan qo‘ng‘iroq qila olsa YES, aks holda NO deb chiqaring.