A. Laylak keldi

Xotira: 32 MB, Vaqt: 1000 ms

Masala

Aylana bo'ylab $N$ ta bola “Laylak keldi” o'yinini o'ynashmoqda. Birinchi bola $1$ deb, ikkinchisi $2$ deb baqiradi, …, $N$ -bola $N$ deb baqirganidan so'ng yana $1$ -bola $N+1$ deb baqiradi va h.k.

Nechinchi bola $K$ deb baqirishini toping!

Kiruvchi ma'lumotlar:

Birinchi qatorda $N$ butun son beriladi $(1 \le N \le 100)$ .
Ikkinchi qatorda $K$ butun son beriladi $(1 \le K \le 100)$ .

Chiquvchi ma'lumotlar:

Yagona qatorda $K$ sonini aytadigan bolaning raqamini chiqaring.

Misollar:

#	INPUT.TXT	OUTPUT.TXT
1	4 7	3
2	5 10	5

B. Remont

Xotira: 32 MB, Vaqt: 1000 ms

Masala

Boltavoy uyini remont qilmoqchi. Aniqroq aytganda, o'lchamlari $H \times W$ bo'lgan 4ta devorini yashil rangga bo'yamoqchi. Bozorda 1 kvadrat metr maydonni bo'yash uchun mo'ljallangan bo'yoq $X$ so'm turadi.

Boltavoy devorlarini bo'yash uchun unga qancha pul kerak?

Kiruvchi ma'lumotlar:

Yagona qatorda $H, W, X$ butun sonlar beriladi $(1 \le H, W, X \le 100)$ .

Chiquvchi ma'lumotlar:

Yagona qatorda Boltavoy sarflashi kerak bo'lgan minimal pul miqdorini chiqaring.

Izoh:

Berilgan misolda, $H=3$ , $W=4$ , va $X=2$ . Bitta devor maydoni $3 \cdot 4=12$ metr kvadrat va 4ta devor $48$ metr kvadrat. Bo'yoq $2$ so'm turgani uchun javob $48 \cdot 2 = 96$ .

Misollar:

#	INPUT.TXT	OUTPUT.TXT
1	3 4 2	96

C. Toshlar o'yini

Xotira: 64 MB, Vaqt: 1000 ms

Masala

Anvar va Bobur toshlar o'yinini o'ynashmoqda. Stol ustida $N$ ta tosh bor. Navbati kelgan o'yinchi stoldan kamida $1$ ta va ko'pida $K$ ta tosh olishi kerak. Qaysidir o'yinchining navbati kelganida stol ustida tosh yo'q bo'lsa, shu o'yinchi yutqazadi.

Agar ikkala o'yinchi ham optimal o'ynashsa va o'yinni Anvar boshlasa, yakunda kim g'olib bo'lishini toping!

Kiruvchi ma'lumotlar:

Birinchi qatorda N butun son beriladi.
Ikkinchi qatorda K butun son beriladi.
$(1 \le K \le N \le 1000)$

Chiquvchi ma'lumotlar:

Agar optimal o'yinda Anvar g'olib bo'lsa “Anvar”, aks holda “Bobur” deb chiqaring.

Izoh:

1-misolda $N=5$ va $K=5$ . Anvar birinchi yurishni o'zida $5$ ta tosh oladi va g'alaba qozonadi.

2-misolda $N=4$ va $K=3$ .
Anvar $1$ ta tosh olsa, Bobur $3$ ta tosh oladi va g'alaba qozonadi.
Anvar $2$ ta tosh olsa, Bobur $2$ ta tosh oladi va g'alaba qozonadi.
Anvar $3$ ta tosh olsa, Bobur $1$ ta tosh oladi va g'alaba qozonadi.

Misollar:

#	INPUT.TXT	OUTPUT.TXT
1	5 5	Anvar
2	4 3	Bobur

D. Yana go'zal sonlar

Xotira: 32 MB, Vaqt: 1000 ms

Masala

Son go'zal deb atalishi uchun, uning barcha raqamlari bir xil bo'lishi kerak. Masalan, 2222 va 777 go'zal sonlar, 10 va 442 esa yo'q.

Siz $1 ... N$ oralig'idagi go'zal sonlar sonini topadigan dastur tuzing.

Kiruvchi ma'lumotlar:

Yagona qatorda $N$ butun son $(1 \le N \le 10^5)$ .

Chiquvchi ma'lumotlar:

Yagona qatorda javobni chiqaring.

Misollar:

#	INPUT.TXT	OUTPUT.TXT
1	7	7
2	39	12

E. Futbol mashg'uloti

Xotira: 256 MB, Vaqt: 1000 ms

Masala

Futbolchilar mashg'ulot o'tkazishmoqda. $N$ ta futbolchi $1$ dan $N$ gacha sonlar bilan raqamlangan. Dastlab $1$ -raqamli futbolchi darvozaga turadi, $2$ -dan $N$ -gacha futbolchilar esa penalti tepish uchun navbatga turadi.

O'yinning qiziq tomoni shundaki, agar futbolchi gol ura olmasa darvozaga turadi, darvozabon esa penalti uchun navbatni oxiriga qo'shiladi. O'yin davomida $M$ ta penalti tepildi, sizga har bir penaltining natijasi beriladi (gol urilgani yoki urilmagani). Sizning vazifangiz har bir futbolchi nechta gol urganini topish.

Kiruvchi ma'lumotlar:

Birinchi qatorda $N$ va $M$ butun sonlar $(2 \le N \le 10^5)$ , $(1 \le M \le 10^5)$ .
Ikkinchi qatorda uzunligi $M$ ga teng binar satr, bunda “1” - gol bo'lsa, “0” - muvaffaqiyatsiz penalti degani.

Chiquvchi ma'lumotlar:

Yagona qatorda $N$ ta son - har bir futbolchining nechta gol urganini chiqaring.

Izoh:

Birinchi penaltidan oldin navbat - $[2, 3, 4]$ , darvozabon - $1$ .
$2$ -futbolchi gol uradi, navbat - $[3, 4, 2]$
$3$ -futbolchi gol ura olmaydi va darvozaga turadi, $1$ -futbolchi esa navbatga turadi, navbat - $[4, 2, 1]$
$4$ -futbolchi gol uradi, navbat - $[2, 1, 4]$
$2$ -futbolchi gol ura olmaydi va darvozaga turadi, $3$ -futbolchi esa navbatga turadi, navbat - $[1, 4, 3]$
$1$ -futbolchi gol ura olmaydi va darvozaga turadi, $2$ -futbolchi esa navbatga turadi, navbat - $[4, 3, 2]$
$4$ -futbolchi gol uradi, navbat - $[2, 1, 4]$

Demak, $4$ -futbolchi 2ta va $2$ -futbolchi 1ta gol uradi.

Misollar:

#	INPUT.TXT	OUTPUT.TXT
1	4 6 101001	0 1 0 2

F. G'alati formula

Xotira: 64 MB, Vaqt: 1000 ms

Masala

Anvarning sevimli soni $k$ ga teng. Unga $a \cdot b + a + b - 1= k$ shart bajariladigan nomanfiy $(a, b)$ juftliklar sonini topishga yordam bering.

Kiruvchi ma'lumotlar:

Yagona qatorda $k$ soni beriladi $(1 \le k \le 10^{12})$ .

E'tibor bering, $k$ soni 32 bitlik butun son tipiga sig'masligi mumkin. C++da long long ishlatish tavsiya etiladi.

Chiquvchi ma'lumotlar:

Yagona qatorda juftliklar sonini chiqaring.

Izoh:

Birinchi misolda $(0, 14), (14, 0), (2,4)$ va $(4,2)$ juftliklari shartni qanoatlantiradi.

Misollar:

#	INPUT.TXT	OUTPUT.TXT
1	13	4

G. Maksimal ko'paytma

Xotira: 256 MB, Vaqt: 1000 ms

Masala

Sizga uzunligi $N$ ga teng $A$ massiv berilgan. $1 \le i < j \le N$ bo'lgan indekslar uchun $A[i] \times A[j]$ ko'paytmaning maksimal qiymatini toping.

Kiruvchi ma'lumotlar:

Birinchi qatorda $N$ butun son beriladi $(2 \le N \le 10^5)$ .
Ikkinchi qatorda $N$ ta butun son - $A_1, A_2, ..., A_N$ beriladi $(-10^9 \le A_i \le 10^9)$ .

Chiquvchi ma'lumotlar:

Bitta qatorda ko'paytmaning maksimal qiymatini chiqaring.
E'tibor bering, javob 32 bitlik butun son tipiga sig'masligi mumkin. C++da long long ishlatish tavsiya etiladi.

Izoh:

Birinchi testda $A_2 \times A_6 = 6 \times 8 = 48$ .

Ikkinchi testda yagona variant $A_1 \times A_2 = (-10) \times 10 = -100$

Misollar:

#	INPUT.TXT	OUTPUT.TXT
1	6 -8 6 0 4 -2 8	48
2	2 -10 10	-100

H. Yana oraliqlar

Xotira: 256 MB, Vaqt: 3000 ms

Masala

$S$ bu oraliqlar to'plami bo'lsin. To'plam yaxshi deyilishi uchun, to'plamga tegishli ixtiyoriy ikkita oraliq umumiy nuqtaga ega bo'lishi kerak.

Sizda $T$ bo'sh to'plam bor. Sizga $Q$ ta quyidagi ko'rinishdagi so'rovlar beriladi:

$+$ $L$ $R$ → $(L, R)$ oraliqni $T$ to'plamga qo'shish. (Agar $(L, R)$ oraliq to'plamda bor bo'lsa, hech narsa qilinmasin)
$-$ $L$ $R$ → $(L, R)$ oraliqni $T$ to'plamdan o'chirish. (Agar $(L, R)$ oraliq to'plamda yo'q bo'lsa, hech narsa qilinmasin)

Har bir so'rovdan so'ng, $T$ ning eng katta yaxshi qismto'plamidagi elementlar sonini chiqaring.

Kiruvchi ma'lumotlar:

Birinchi qatorda $Q$ butun son - $(1 \le Q \le 3 \cdot 10^5)$
Keyingi $Q$ ta qatorda bittadan belgi va ikkitadan butun son beriladi $(1 \le L \le R \le 3 \cdot 10^5)$ .

Chiquvchi ma'lumotlar:

Har bir so'rovdan so'ng javobni chiqaring.

Misollar:

#	INPUT.TXT	OUTPUT.TXT
1	6 + 1 5 + 2 4 + 6 8 - 2 4 + 8 10 + 7 9	1 2 2 1 2 3