A. Botirjon izlayotgan raqam

Xotira: 16 MB, Vaqt: 150 ms

Masala

Botirjon matematikaga juda ham qiziqadi.Ayniqsa u uzun sonlar va ularning raqamlari bilan ishlashni xush ko'radi.Buni sezgan ustozi unga qiziqarli topshiriq berdi. Toshiriq shunday bo'ldi: raqamlari yig'indisi \(N\) ga teng bo'lgan eng kichik sonni topish. Ammo bu son juda ham katta bo'lib ketishini yaxshi bilgan ustozi masalani biroz yengillashtirdi ya'ni so'ralgan sonning faqat birinchi raqamini topish yetarli ekanligini aytdi. Buni topishda Botirjon sizdan yordam so'ramoqda.

Kiruvchi ma'lumotlar:

Birinchi satrda bitta butun son \(T( 0 < T < 1000)\)testlar soni kiritiladi.

Keyingi \(T\) ta satrda bittadan natural son \(N\)\((N \le 10^{18})\)kiritiladi.

Chiquvchi ma'lumotlar:

Har bir test uchun alohida satrda masala javobini chiqaring.

Misollar:

#	INPUT.TXT	OUTPUT.TXT
1	1 1	1

B. Alisher o'ylagan son

Xotira: 16 MB, Vaqt: 1000 ms

Masala

Alisher bir son o'yladi. Uni \(a\) ga ko'paytirdi, \(b\) ga bo'ldi, \(c\) ni qo'shdi va \(d\) ni ayirdi. Natijada \(X\) soni hosil bo'ldi.

Alisher qanday sonni o'ylagan?

Kiruvchi ma'lumotlar:

Bir satrda beshta butun son \(a,b,c,d (-100 \le a,b,c,d \le 100)\) va \(X (-10^{16} \le X \le 10^{16})\) sonlari kiritiladi.

Chiquvchi ma'lumotlar:

Agar Alisher xato hisob - kitob qilgan bo'lsa Error , Agar to'g'ri hisob - kitob qilgan bo'lsa-yu u o'ylagan sonni topishning iloji bo'lmasa No result ,agar yechim mavjud va aniq bo'lsa shu javobni chop eting.

Izoh:

Mavjud yechimning butun son chiqishi kafolatlanadi

Misollar:

#	INPUT.TXT	OUTPUT.TXT
1	0 0 0 0 0	Error
2	4 2 3 1 4	1

C. 2/8 ketma - ketlik

Xotira: 16 MB, Vaqt: 1000 ms

Masala

\(1,5,3,25,20,18, \dots\)

Ketma - ketlikning \(n\) - hadini toping

Kiruvchi ma'lumotlar:

\(n ( 0 < n < 10^5)\) son kiritiladi

Chiquvchi ma'lumotlar:

Masala javobini chop eting.

Misollar:

#	INPUT.TXT	OUTPUT.TXT
1	10	84
2	8	100

D. Ustoz bilmasin!

Xotira: 16 MB, Vaqt: 1000 ms

Masala

Fozil 4- sinfda o'qiydi. U juda ham erinchoq bola.Shuning uchun ham matematikadan uyga berilgan vazifani hali bajargani yo'q.Matematika darsi boshlanishiga esa yarim soat vaqt qoldi.O'qituvchi ularga iloji boricha katta sonlar yozib ularni ustuncha shaklda qo'shib kelishni vazifa bergan edi. Fozil bunday usulda qo'shishni yaxshi biladi albatta, lekin vaqt kam u esa iloji boricha ko'proq misol tuzib yechishi kerak.Xullas endi u do'sti Akmaldan ko'chirib olishga qaror qildi. Buni qarangki Akmal hechqanday qarshiliksiz daftarini berdi.Xursand bo'lgan Fozil daftarni ochdiyu kayfiyati biroz tushib ketdi.Gap shundaki Fozil \(0\) raqmini yoqtirmas edi. Buni butun sinfdoshlari,hatto ustozi ham yaxshi bilar edi.Buni qarangki Akmalning har bir misolida \(0\) raqami qatnashgan.Agar Fozil bularni ko'chirsa ustozi Akmalning daftarini ko'rmagan taqdirda ham misolni o'zi tuzmaganini bilib qoladi.O'zi shunchaki son o'ylab yozishi esa hozir unga dunyodagi eng qiyin ishday tuyildi.shunda u bir hiyla qilishga qaror qildi. Akmal yozgan sonlardan katta bo'lmagan va \(0\) raqami qatnashmagan eng katta sonni yozib hisob-kitob qilmoqchi.Lekin bu ish u o'ylaganday oson bo'lib chiqmadi va bu yerda anchagina son bor. Hozir u dasturchilar yordamiga muhtoj.

Kiruvchi ma'lumotlar:

Bitta tarkibida \(0\) raqami qatnashgan \(n (n\le10^{150})\) natural son kiritiadi.

Chiquvchi ma'lumotlar:

Fozil izlayotgan sonni chop eting.

Misollar:

#	INPUT.TXT	OUTPUT.TXT
1	100	99

E. Chiroyli sonlar #1

Xotira: 16 MB, Vaqt: 1000 ms

Masala

Faqat toq raqamlardan tashkil topgan son \(chiroyli \ son\) deb ataladi. Sizning vazifangiz \(n\) xonali chiroyli sonlar nechtaligini topish.

Kiruvchi ma'lumotlar:

\(n(n\le10^{5})\) natural son kiritiladi

Chiquvchi ma'lumotlar:

so'ralgan natijaning \(1000000007(10^9 + 7)\) ga bo'lgandagi qoldig'ini chiqaring.

Misollar:

#	INPUT.TXT	OUTPUT.TXT
1	1	5

F. Chiroyli sonlar #2

Xotira: 16 MB, Vaqt: 1000 ms

Masala

Barcha raqamlari toq sonlardan tashkil topgan sonlar \(chiroyli \ sonlar\) deyiladi. Agar siz shu nomdagi birinchi masalani yechgan bo'lsangiz,sizga beriladigan ikkinchi topshiriq \(n\) - chiroyli sonning necha xonali ekanligini aniqlashdan iborat

Kiruvchi ma'lumotlar:

Birinchi satrda \(T(1\le T \le 1000)\) testlar soni beriladi.

Keyingi \(T\) ta satrda bittadan \(n(n\le10^{12})\) natural son kiritiladi.

Chiquvchi ma'lumotlar:

Har bir test uchun alohida satrda masala javobini chop eting.

Misollar:

#	INPUT.TXT	OUTPUT.TXT
1	2 1 2	1 1

G. Chiroyli sonlar #3

Xotira: 16 MB, Vaqt: 500 ms

Masala

Barcha raqamlari toq sonlardan tashkil topgan sonlar \(chiroyli \ sonlar\) deyiladi. Sizning vazifangiz n - chiroyli sonni topish.

Kiruvchi ma'lumotlar:

Bitta natural son \(n(n\le 10^5)\) son kiritiladi

Chiquvchi ma'lumotlar:

Masala javobini chop eting.

Misollar:

#	INPUT.TXT	OUTPUT.TXT
1	1	1

H. Uddalab bo'lmas topshiriq

Xotira: 16 MB, Vaqt: 1000 ms

Masala

Namangan Davlat Universitetining 1-kurs talabalari Algoritmik tillar va dasturlash fanidan 1-kurs uchun rejalashtirilgan mavzularni tugatishdi. Shu munosabat bilan ustoz Saidjalol Hasanov ularga Shu paytgacha o'tilgan mavzulardan masala va topshiriqlar berib, bu topshiriqning hammasini bajarib kelish uchun \(n\) kun muhlat berdi. Guruhdagi ba'zi bir talabalar berilgan muddatgacha topshiriqni yakka o'zi bajara olmasligini bilib, bu topshiriqni \(k\) ta talabalar jamoaviy ishlashga qaror qilishdi. Sizga \(k\) ta talabaning har yakka o'zi bu topshiriqni necha kunda bajara olishi ma'lum. Siz bu jamoa berilgan muddatgacha toshiriqni bajara olishadimi yo'qmi aniqlashingiz kerak

Kiruvchi ma'lumotlar:

Birinchi satrda ikkita butun son \(n(n\le20)\) va \(k(k\le54)\) beriladi.

Ikkinchi satrda \(k\) ta \([0;100]\) oralig'idagi butn sonlar beriladi.

Chiquvchi ma'lumotlar:

Agar bu jamoa berilgan muddatgacha bu topshiriqni bajara olsa necha kun oldin bajarib bo'lishganini va Yes yozuvini prober bilan ajratgan holda chiqaring,aks holda necha kun yetmaganini va No yozuvini probel bilan ajratgan holda chiqaring. Agar jamoa bu topshiriqni umuman bajara olmasa "0 No" yozuvini chop eting.

Izoh:

Talabalar orasida bu topshiriqni bajara olmaydiganlar ham bo'lib ularning yakka o'zi topshiriq bajara olish muddati \(0\) deb olingan.

Misollar:

#	INPUT.TXT	OUTPUT.TXT
1	6 2 10 15	0 Yes
2	2 5 0 1 2 3 4	1 Yes
3	1 2 3 6	1 No
4	5 1 0	0 No

I. G'alati shifrlash #1

Xotira: 16 MB, Vaqt: 1000 ms

Masala

Tasavvur qiling siz maxfiy tashkilotga ishga kirish uchun suhbatdan o'tdingiz. Suhbat yaxshi o'tdi. Endi ular sizga amaliy topshiriq berib mantiqiy fikrlash darajangizni va sirli shifrlarni o'qiy olish qobilyatingizni sinovdan o'tkazishmoqchi. Albatta ular sizning dasturchi ekaningizdan xabardor. Ular sizga namuna sifatida bir nechta so'z va uning shifrlangan holatini havola qilishdi:

robocontest	slcldlkepte
dasturchi	ottefsdef
shifrlash	tefysatte
abc	tcd
hello	epaal

Sizning vazifangiz bu namunalar asosida shifrlanish algoritmini aniqlash va ushbu algoritm dasturini tuzish.

Kiruvchi ma'lumotlar:

Ingliz alifbosinig kichik harflaridan tashkil topgan \(S(|S|\le30)\) satr beriladi

Chiquvchi ma'lumotlar:

Ushbu satrning shifrlangan holatini chop eting.

Izoh:

Bir belgi faqat bir belgiga shifrlanadi. Ya'ni belgi satrga yoki satr belgiga shifrlanmaydi.

Bir nechta belgi bir xil belgiga shifrlanishi mumkin. Aynan shu sababli bu shifrni deshifrlashda muammolar bo'lishi mumkin. Ammo bu sinov tariqasida qo'yilgan shifr bo'lib qayta deshifrlash nazarda tutilmagan.

Yanayam tushunarliroq bo'lishi uchun 1-testni qaraymiz

k - p

e - p

l - a

a - t

j - o

chap tomondagi belgilar o'ng tomondagi belgilarga shifrlangan va har qanday satrda shunday shifrlanadi.

Misollar:

#	INPUT.TXT	OUTPUT.TXT
1	kelajak	ppatotp

J. G'alati shifrlash #2

Xotira: 16 MB, Vaqt: 1000 ms

Masala

Tasavvur qiling siz maxfiy tashkilotga ishga kirish uchun suhbatdan o'tdingiz. Suhbat yaxshi o'tdi. Endi ular sizga amaliy topshiriq berib mantiqiy fikrlash darajangizni va sirli shifrlarni o'qiy olish qobilyatingizni sinovdan o'tkazishmoqchi. Albatta ular sizning dasturchi ekaningizdan xabardor. Ular sizga namuna sifatida bir nechta so'z va uning shifrlangan holatini havola qilishdi:

CONTEST	27612579629
ROBOT	46484525
ALGORITM	830363123722
1HAFTA7KUN	150336889140047
362352654	8938058169496

Sizning vazifangiz bu namunalar asosida shifrlanish algoritmini aniqlash va ushbu algoritm dasturini tuzish.

Kiruvchi ma'lumotlar:

Ingliz alifbosining katta harflari va \(10\) ta raqamdan tuzilgan \(S(|S|\le 10)\) satr beriladi.

Chiquvchi ma'lumotlar:

Satrni shifrlangan holatini chiqaring.

Misollar:

#	INPUT.TXT	OUTPUT.TXT
1	2022YIL	4357061949

K. Shaxmat donalarini surish

Xotira: 16 MB, Vaqt: 1000 ms

Masala

Shaxmat o'ynashni bilmaydigan dasturchi bo'lmasa kerak. Ko'pchilik yaxshi o'ynay olmasa ham qaysi dona qayerdan qayerga yura olishini yaxshi biladi. Hozirgi vazifani bajarish uchun esa hech bo'lmaganda shuni bilishingiz zarur. Sizga shaxmat donalaridan birining nomi ( Shoh, Farzin, Fil, Ot, Ruh ) va uning shaxmat doskasidagi koordinatalari(A1, A2, ..., H8) beriladi. Siz ushbu dona o'zining yurish qobilyatiga ko'ra bir urinishda nechta boshqa katakka ko'cha olishini aniqlashingiz kerak.

Kiruvchi ma'lumotlar:

Bir satrda biror shaxmat donasining nomi (Piyodadan boshqa) va uning shaxmat taxtasidagi koordinatasi probel bilan ajratilgan holda beriladi.

Chiquvchi ma'lumotlar:

Masala javobini chiqaring. Yechim mavjudligi kafolatlanadi.

Izoh:

1 - testning yechimi:

Misollar:

#	INPUT.TXT	OUTPUT.TXT
1	Shoh F5	8

L. Tub ko'paytma

Xotira: 16 MB, Vaqt: 1000 ms

Masala

Sizga \(N\) soni beriladi. Siz \([1;N]\) oralig'idagi barcha tub sonlar ko'paytmasi nechta \(0\) bilan tugashini aniqlang.

Kiruvchi ma'lumotlar:

Bitta natural son \(N(1\le N \le 3*10^{18})\) kiritiladi.

Chiquvchi ma'lumotlar:

Masala javobini chop eting.

Misollar:

#	INPUT.TXT	OUTPUT.TXT
1	5	1