A. Sharchalar

Xotira: 16 MB, Vaqt: 1000 ms

Masala

Imonada N ta ko'k sharcha bor. U sharchalar bilan 2 xil usulda savdo qila oladi: K ta ko'k sharchani M ta qizil sharchaga yoki P ta qizil sharchani L ta yashil sharchaga almashtirishi mumkin. U eng ko`pi bilan nechta yashil sharchani qo'lga kirita olishini hisoblovchi dastur tuzing.

Kiruvchi ma'lumotlar:

Birinchi qatorda N sharchalar soni beriladi. \((1≤N≤10^6)\)

Ikkinchi qatorda K,M,P,L lar beriladi. \((1≤K,M,P,L≤10^6)\)

Chiquvchi ma'lumotlar:

Masala javobini chop eting.

Misollar:

#	INPUT.TXT	OUTPUT.TXT
1	45 10 3 2 3	18
2	52 14 3 5 8	8

B. Sham

Xotira: 16 MB, Vaqt: 1000 ms

Masala

Ismoilda bir xil o’lchamdagi N ta sham bor edi. U shamlardan birini yoqdi. Shamning faqat o’ndan bir qismi qolganida, ikkinchisini yoqdi. Uning ham atigi o’ndan biri qolganida, u uchinchisini yoqdi va hokazo. Shamlar butun uzunligi bo’ylab bir xil tezlikda yonadi. Bitta sham K minut yonadi. Barcha N ta sham yonib tugashi uchun qancha vaqt ketishini aniqlovchi dastur tuzing.

Kiruvchi ma'lumotlar:

Yagona qatorda N va K butun sonlar kiritiladi. \((1≤N,K≤100)\)

Chiquvchi ma'lumotlar:

Masala javobini chop eting.

Izoh:

Vaqt birliklari kun, soat, minut, sekund

Misollar:

#	INPUT.TXT	OUTPUT.TXT
1	11 13	2 soat 10 minut
2	55 1	49 minut 36 sekund

C. Yashirin raqam

Xotira: 16 MB, Vaqt: 1000 ms

Masala

3×3 o’lchamli kvadratda dastlab har bir katakchasida 0 raqami bor edi. Har safar ixtiyoriy olingan 2×2 kvadratning har bir kataklaridagi sonlarga 1 qo’shib ketiladi. Ushbu jarayon pastdagi rasmdagidek hosil bo’lgunicha bir necha marta takrorlandi. Afsuski, ushbu kvadratdagi ba’zi raqamlar yashiringan. So’roq belgisi ostidagi katakchada qaysi raqam yashiringan?

Kiruvchi ma'lumotlar:

Yagona qatorda K, M va P musbat butun sonlar beriladi. \((1≤K,M,P≤1000)\)

Chiquvchi ma'lumotlar:

So'rov belgisidagi sonni chop eting. Agar topishni iloji bo'lmasa -1 ni chop eting.

Misollar:

#	INPUT.TXT	OUTPUT.TXT
1	73 5 35	-1

D. Jetonlar soni

Xotira: 16 MB, Vaqt: 1000 ms

Masala

Qutida faqat yashil, qizil, ko’k va sariq rangli jetonlar bor. Qutidan tanlangan N ta jeton orasida har doim kamida bitta yashil jeton bor, har doim tanlangan M ta jeton orasida kamida bitta qizil jeton, K ta jeton orasida har doim kamida bitta ko’k va tanlangan P ta jeton orasida har doim kamida bitta sariq jeton bor. Qutida har bir jetonlar soni kamida nechtadan ekanligini hisoblash dasturi tuzilsin.

Kiruvchi ma'lumotlar:

Yagona qatorda N, M, K va P musbat butun sonlar beriladi. \((1≤N,M,K,P≤1000)\)

Chiquvchi ma'lumotlar:

Har bir jeton sonini tartib bilan alohida qatorlarda chop eting. Agar javob topish iloji bo'lmasa -1 ni chop eting.

Misollar:

#	INPUT.TXT	OUTPUT.TXT
1	36 62 72 74	44 ta yashil 18 ta qizil 8 ta ko'k 6 ta sariq

E. So'z o'yini

Xotira: 16 MB, Vaqt: 1000 ms

Masala

Uchta bola “So’z” o’yinini o’ynashdi va har biri N tadan so’z yozishdi. Agar bitta bola yo’zgan so’z qolgan bolalarning ikkalasida ham bo’lmasa, o’sha bola 3 ball to’plagan bo’ladi. Agar ikkita bolada bir xil so’z yozilgan bo’lsa, har biriga 1 balldan beriladi. Agar bitta so’z uchta bolada ham yozilgan bo’lsa, hech kimga ball berilmaydi. Ballarni hisoblaganda, ularning har biri har xil ball to’plagani aniqlandi. Ismoil eng kichik ko’rsatkich – K ballni qo’lga kiritdi, Javlonbek esa eng yuqori ball to’pladi. Javlonbek eng ko'p bilan necha ball to’plaganligini aniqlovchi dastur tuzing.

Kiruvchi ma'lumotlar:

Birinchi qatorda N musbat butun son beriladi. \((1≤N≤1000)\)

Ikkinchi qatorda Ismoil to'plagan K musbat butun son beriladi. \((1≤K≤1000)\)

Chiquvchi ma'lumotlar:

Javlonbek to'plashi mumkin bo'lgan eng katta qiymatni chop eting. Agar masala yechimga ega bo'lmasa -1 ni chop eting.

Misollar:

#	INPUT.TXT	OUTPUT.TXT
1	10 19	25

F. Bolalikdagi masala

Xotira: 128 MB, Vaqt: 1000 ms

Masala

N ta odam sayohat qilib yurushgan ekan oldilaridan daryo chiqib qolibdi. Daryodan o'tishga faqat 1 ta qayiq bor ekan va qayiqqa faqat 2 kishi sig'ar ekan. Demak qayiqda ikki kishi o'tib bittasi qaytib olib kelishi kerak ekan qayiqni. Qiziq tomoni shunday ekanki daryodan o'tishda har bir odamning tezligi har xil va o'tayotganda 2 kishidan qaysi birini o'tish vaqti katta bo'lsa o'shancha vaqt sarflar ekan. Ular daryodan eng kam vaqtda o'tishi uchun qancha vaqt ketishini hisoblay olishmabdi. Barcha odamlar daryoni nargi tarafiga o'tishi uchun eng kam vaqt qanchaligini hisoblashga yordam bering.

Kiruvchi ma'lumotlar:

Birinchi qatorda N natural son beriladi. \((1≤N≤6*10^5)\)

Ikkinchi qatorda har bir odamning daryodan o'tish vaqtlari probel bilan beriladi.

\((1≤t_1, t_2, t_3, ... t_n≤10^7)\)

Chiquvchi ma'lumotlar:

Masala javobini chop eting.

Izoh:

1-test.

Avval tezligi 1 va 2 o'tadi va o'tishga 2 daqiqa sarflaydi. Qaytishda tezligi 1 qayiqni olib qaytadi va 2+1=3 daqiqa vaqt ketdi. Yana qaytishda 1 va 3 qaytadi va 3 daqiqa vaqt sarflaydi jami 3+3=6 daqiqada daryoni nargi tarafiga o'tib olishadi hammasi.

Misollar:

#	INPUT.TXT	OUTPUT.TXT
1	3 1 3 2	6

G. Tub emas NBS

Xotira: 64 MB, Vaqt: 1000 ms

Masala

N natural son berilgan bo'lib, bu sonning tub son bo'lmagan natural bo'luvchilar soni ( NBS ) ni aniqlovchi dastur tuzing.

Kiruvchi ma'lumotlar:

Yagona qatorda N natural son beriladi. \((1≤N≤10^{18})\)

Chiquvchi ma'lumotlar:

Masala javobini chop eting.

Misollar:

#	INPUT.TXT	OUTPUT.TXT
1	5	1
2	16	4
3	36	7

H. 3 Tijoratchi #1

Xotira: 16 MB, Vaqt: 1000 ms

Masala

n ta bir xil idishning a tasida to‘la, b tasida yarim yog‘ bor, c tasi esa bo‘sh. 3 ta tijoratchi yog‘ni va idishlarni teng bo‘lib olishdi. Yog‘ni idishdan idishga quymasdan tijoratchilar olishi mumkin bo'lgan qiymatlar toping.

Kiruvchi ma'lumotlar:

Yagona qatorda n,a,b,c butun sonlar kiritiladi. \((1≤n≤400)\), \((1≤a,b,c≤398)\)

Chiquvchi ma'lumotlar:

Masala javobini chiqaring. Agar javoblar bir nechta bo'lsa ixtiyoriy javobni chiqaring.

Izoh:

Masala javoblari butun yechimda kafolatlangan.

Misollar:

#	INPUT.TXT	OUTPUT.TXT
1	21 7 7 7	2 3 2 3 1 3 2 3 2