A. Murakkab sum ketma - katlik

Xotira: 16 MB, Vaqt: 1000 ms

Masala

\(3,4,8,18,100,252,\dots\)

Ketma-ketlikning \(n\) - hadini toping.

Kiruvchi ma'lumotlar:

Bitta natural son \(n(n\le23)\) kiritiladi.

Chiquvchi ma'lumotlar:

Ketma-ketlikning \(n\) - hadini chop eting.

Misollar:

#	INPUT.TXT	OUTPUT.TXT
1	20	308061521238060

B. Aniq hajm

Xotira: 20 MB, Vaqt: 1000 ms

Masala

Tasavvur qiling siz ko'l oldida turibsiz. Oldingizda \(M\) va \(N\) litrli idishlar bor shu idishlardan foydalanib eng optimal usulda (eng kam amal bajargan holda) \(K\) litr suv olishingiz kerak.
Bunda quyidagicha amallar bajarish mumkin:

Ixtiyoriy idishga ko'ldan to'ldirib suv olish mumkin. (Faqat to'ldirib!)
Bir idishdan ikkinchi idishga birinchi idish bo'shaguncha yoki ikkinchi idish to'lguncha suv quyish mumkin.
Idishdagi suvni ko'lga quyib bo'shatish mumkin.(Idishni to'la bo'shatish shart!)
Bularning har biri bir amal hisoblanadi.
Bir vaqtda bir idishga suv to'ldirib, ikkinchi idishni bo'shatish mumkin emas!

Kiruvchi ma'lumotlar:

Bir satrda uchta natural son \(M,N,K(1\le M,N,K \le 10^9\ va\ K<max(M,N) )\) kiritiladi.

Chiquvchi ma'lumotlar:

\(K\) litr suv olish jarayonidagi har bir amaldan keyin alohida satrlarda idishlardagi suvlar miqdorini \("m \ n"\) shaklida chop etib boring. Amallar to \("K\ 0"\) yoki \("0\ K"\) natijaga erishilguncha davom etadi. Kerakli natijaga erishilgach, keyingi satrda nechta amal bajarganingizni chop eting. (Yechim eng optimali bo'lsin!)

Izoh:

Dastlab ikkala idish ham bo'sh bo'lib \(("0\ 0")\) ,bu holat har bir test boshida chiqarilishi kerak.
So'ralgan hajmdagi suvning olib bo'linishi kafolatlanadi.
Eng optimal yechim doimo yagona bo'ladi!

Misollar:

#	INPUT.TXT	OUTPUT.TXT
1	7 3 5	0 0 7 0 4 3 4 0 1 3 1 0 0 1 7 1 5 3 5 0 9

C. Oqimga qarshi tezlik

Xotira: 16 MB, Vaqt: 1000 ms

Masala

Matorli qayiq daryoda oqim bo'ylab \(t\) soat harakat qilib, \(s\) km yo'l bosdi. Agar daryo oqimining tezligi qayiqning turg'un suvdagi tezligidan \(v\)km/soat kam bo'lsa, qayiqning oqimga qarshi tezligini toping.

Kiruvchi ma'lumotlar:

Bir satrda uchta haqiqiy son \(t,s,v(0<t,s,v\le10^9)\) probel bilan ajratilgan holda kiritiladi.

Chiquvchi ma'lumotlar:

Masala javobini chop eting.

Izoh:

Ushbu masalada amaliy jihatdan fizika qonunlariga to'g'ri kelmaydigan testlar ham mavjud bo'lib, buning uchun Fiziklardan uzr so'raymiz.

Misollar:

#	INPUT.TXT	OUTPUT.TXT
1	1.5 60 20	20

D. G'aroyib ko'cha

Xotira: 16 MB, Vaqt: 1000 ms

Masala

Noma'lum sayyoradagi ko'chalaridan birida \(n\) ta uy mavjud bo'lib, bu uylar bir to'g'ri chiziqda jayloshgan . Har bir uyda kamida \(a\) ta odam yashaydi. Har bir ketma - ket kelgan har ikki uyda jami ko'pi bilan \(b\) ta odam yashaydi. Bu ko'chada ko'pi bilan nechta odam yashaydi?

Kiruvchi ma'lumotlar:

Bir satrda uchta butun son \(n(2 \le n\le10^9)\) , \(a,b(1\le a ,b \le 10^9)\) sonlar kiritiladi.

Chiquvchi ma'lumotlar:

Agar berilgan ma'lumotlarda xatolik mavjud bo'lsa -1, aks holda masala javobini chiqaring.

Izoh:

Menimcha 1-test tushunarli.

Misollar:

#	INPUT.TXT	OUTPUT.TXT
1	5 4 3	-1

E. Do'stimdan sirli xabar

Xotira: 16 MB, Vaqt: 1000 ms

Masala

Rustam va Ahmad juda yaqin do'stlar. Ular hatto bir-biridan sir yashirishmaydi. Yozgi ta'til vaqtida Ahmad va uning oilasi dam olish uchun Londonga jo'nab ketishdi. Shunday bo'lsada ular har kuni telegramda suhbat qurishadi(yozishishadi). Lekin bu suhbat biroz xavfli bo'lmoqda. Sababi Rustamning ukasi akasi band payti telegramiga kirib uning bazi sirlarini bilib olmoqda. Bu borada Ahmad ham qitmir singlisidan biroz cho'chiyapti. Lekin bu aqlli do'stlar bu muammo uchun zo'r yechim topishdi. Ular asosan kompyuterda yozishishlarini inobatga olib quyidagicha hiyla qilishdi. Kompyuter klaviaturasini ruschada qoldirib, o'zlari go'yo inglizcha klaviaturada yozishayotgandek yozishadi. Ya'ni ular klaviaturadagi "Q" harfini bosishsa ekranga "Й" harfi chop etiladi. Do'stlar bu shifrni o'ylab topishga topishdi-yu, endi uni o'qishga o'zlari ham qiynalishmoqda.
Ularga yordam beruvchi dastur tuzing.

Kiruvchi ma'lumotlar:

Kirill alifbosidagi harflardan tashkil topgan xabar matni kiritiladi.

Chiquvchi ma'lumotlar:

Haqiqiy tushunarli matnni chop eting.

Izoh:

Matnda o'zbek alifbosidagi harflardan tashqari boshqa tinish belgiari ishlatilmaydi.
CapsLock ishlatilgan holatga ham e'tibor bering.

Misollar:

#	INPUT.TXT	OUTPUT.TXT
1	Руср лшь ыуяши йщдьфвшьш	Hech kim sezib qolmadimi
2	Рщяшксрф нщэй	Hozircha yo'q

F. Shaxmat donalarini surish #2

Xotira: 16 MB, Vaqt: 1000 ms

Masala

Shaxmat o'ynashni bilmaydigan dasturchi bo'lmasa kerak. Ko'pchilik yaxshi o'ynay olmasa ham qaysi dona qayerdan qayerga yura olishini yaxshi biladi. Hozirgi vazifani bajarish uchun esa hech bo'lmaganda shuni bilishingiz zarur. Sizga shaxmat donalaridan birining nomi (Shoh, Farzin, Fil, Ot, Ruh) va uning shaxmat doskasidagi koordinatalari \(\text{(A1, A2, ..., H8)}\) beriladi. Siz shaxmat taxtasidagi quyidagi holatni \(\text{array[8,8]}\) matritsada tasvirlab berishingiz kerak.
\(\text{A1}\) katak matritsaning chap quyi burchagi, ya'ni \(\text{array[7,0]}\) deb qaraladi.

Matritsani quyidagicha to'ldiring:

Shaxmat donasi turgan katakni 2 bilan;
U yura oladigan kataklarni 1 bilan;
Qolgan barcha kataklarni 0 bilan to'ldiring.

Kiruvchi ma'lumotlar:

Bir satrda biror shaxmat donasining nomi (Piyodadan boshqa) va uning shaxmat taxtasidagi koordinatasi probel bilan ajratilgan holda beriladi.

Chiquvchi ma'lumotlar:

Masalaning yechimi

Izoh:

1 - test:

Misollar:

#	INPUT.TXT	OUTPUT.TXT
1	Shoh F5	0 0 0 0 0 0 0 0 0 0 0 0 0 0 0 0 0 0 0 0 1 1 1 0 0 0 0 0 1 2 1 0 0 0 0 0 1 1 1 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0
2	Ruh H1	0 0 0 0 0 0 0 1 0 0 0 0 0 0 0 1 0 0 0 0 0 0 0 1 0 0 0 0 0 0 0 1 0 0 0 0 0 0 0 1 0 0 0 0 0 0 0 1 0 0 0 0 0 0 0 1 1 1 1 1 1 1 1 2
3	Farzin C3	0 0 1 0 0 0 0 1 0 0 1 0 0 0 1 0 0 0 1 0 0 1 0 0 1 0 1 0 1 0 0 0 0 1 1 1 0 0 0 0 1 1 2 1 1 1 1 1 0 1 1 1 0 0 0 0 1 0 1 0 1 0 0 0
4	Fil A1	0 0 0 0 0 0 0 1 0 0 0 0 0 0 1 0 0 0 0 0 0 1 0 0 0 0 0 0 1 0 0 0 0 0 0 1 0 0 0 0 0 0 1 0 0 0 0 0 0 1 0 0 0 0 0 0 2 0 0 0 0 0 0 0
5	Ot D4	0 0 0 0 0 0 0 0 0 0 0 0 0 0 0 0 0 0 1 0 1 0 0 0 0 1 0 0 0 1 0 0 0 0 0 2 0 0 0 0 0 1 0 0 0 1 0 0 0 0 1 0 1 0 0 0 0 0 0 0 0 0 0 0

G. Rasmdagi o'yin

Xotira: 16 MB, Vaqt: 1000 ms

Masala

Ushbu rasmdagi o'yinni eslagan va o'ynagan ham bo'lsangiz kerak. Men ham bu o'yinni esladim, faqat nomini eslolmadim.
Aka-ukalar Joburbek va Jo'rabek ushbu o'yinga o'xshash o'yin o'ynashmoqda. Lekin bu o'yin nisbatan soddaroq bo'lib, berilishi va shartlari quyidagicha:

O'yinda faqat yashil va qizil yo'laklar mavjud.
O'yin \(m\)x\(n\) o'lchamli (maydon) ilonizi yo'laklarda bo'ladi. (* li shartga e'tibor bering)
Dastlab ikkala ishtirokchi ham yo'lakning birinchi doirasida (maydon ichida!) o'yinni boshlaydi.
Aka-uka o'yinda yurishni amalga oshirish uchun zarikdan foydalanishadi.
(Zarik - nuqtalar bilan raqamlangan kub shaklidagi kichik oq tosh)
Zarik tashlanganda tepaga qarab tushgan raqam oldinga necha katak surilishni belgilab beradi.
Yashil doiraga o'tgan ishtirokchi keyingi yurishini shu doiadan davom ettiradi ,qizil doiraga o'tgan ishtirokchi esa shu zahotiyoq yo'lak boshiga (birinchi doiraga ) qaytadi.
* Birinchi yo'lak boshidan oxiriga yetib borgan ishtirokchi ikkinchi yo'lak oxiriga (nazariy tomondan) tushadi va yo'lak boshiga(chap tomonga) qarab yuradi, ikkinchi yo'lak boshiga yetgan ishtirokchi uchinchi yo'lak boshiga tushadi va o'ng tomonga qarab yuradi... (1-2- testlar va izohlariga qarang!)
Yo'lak oxiriga yetib undan chiqib ketgan ishtirokchi g'olib sanaladi.

O'yinni kichik bo'lgani uchun Jo'rabek boshlab beradi.
Ishtirokchilar o'z yurishlarini navbatma-navbat amalga oshirishadi

Sizning vazifangiz zarikni har bir ishtirokchi \(k\) marta tashlab,o'z yurishlarini amalga oshirib bo'lgandan keyin o'yin vaziyatini baholash.

Kiruvchi ma'lumotlar:

Birinchi satrda uchta butun son \(m,n(3\le m,n \le 10)\) va\(k(1\le k \le20)\) sonlari kiritiladi
keyingi \(n\) ta satrda uzunligi \(m\) ga teng bo'gan \(0\) va \(1\) lardan iborat sonlar ajratilmagan holda (satr ko'rinishida) beriladi.(1 - yashil doira, 0 - qizil doira)
Keyingi ikkita satrda \(k\) tadan \([1;6]\) oralig'idagi raqamlar - mos ravishda Jo'rabek va Joburbekning zarikni \(k\) martadan tashlaganlaridan keyin olingan har bir natijalar.

Chiquvchi ma'lumotlar:

Agar o'yin yakuniga yetmagan bo'lib, Jo'rabek oldinda bo'lsa Jo'rabek, agar Joburbek oldinda bo'lsa Joburbek, agar ular bir doirachada bo'lsa Teng yozuvini chiqaring.
Agar o'yin yakuniga yetgan bo'lib Jo'rabek yutgan bo'lsa Jo'rabek yutdi, aks holda Joburbek yutdi deb chiqaring.

Izoh:

1- test marshruti: 2-test marshruti:

1-1-1-0-1-1-0-1                  1-0-1
              |                      |
1-1-0-1-1-1-1-0                  1-1-0
|                                |
1-1-0-0-1-1-1-1                  0-1-1
              |                      |
0-1-1-1-1-0-1-1                  1-0-1
|
1-0-1-0-1-1-1-1

Barcha urunishlar yakuniga yetmasdan g'olib aniqlanishi mumkin va o'yin shu joyda yakuniga yetadi.

Misollar:

#	INPUT.TXT	OUTPUT.TXT
1	8 5 6 11101101 11011110 11001111 01111011 10101111 4 3 2 6 5 1 1 2 3 4 5 6	Jo'rabek
2	3 4 2 101 110 011 101 5 5 4 3	Joburbek