A. Ikkichi Ahmadjon

Xotira: 32 MB, Vaqt: 1000 ms

Masala

Ahmadjon maktabda “Juft sonlar” mavzusida ikki baho oldi. Shuning uchun u juft sonlarni yomon ko'rib qoldi. Endi u faqatgina toq sonlarni yaxshi ko'radi.

Ahmadjon sizga \(n\) sonini beradi. Vazifangiz \(n\)-toq sonni topish.

Kiruvchi ma'lumotlar:

Yagona qatorda \(n\) butun soni beriladi. (\(1 \le n \le 100\))

Chiquvchi ma'lumotlar:

Yagona qatorda \(n\)-toq sonni chiqaring.

Izoh:

Toq sonlar to'plami - \(\{1, 3, 5, 7, 9, 11, \ldots\}\)

To'plamda \(4\)-son \(7\)ga teng.

Misollar:

#	INPUT.TXT	OUTPUT.TXT
1	4	7
2	11	21

B. Uch qurilma

Xotira: 32 MB, Vaqt: 1000 ms

Masala

Bahodir shahardan uchta qurilma sotib oldi. Har bir qurilma ekranida butun son ko'rsatilgan. Birinchi qurilmada \(A\), ikkinchisida \(B\), uchinchisida \(C\) sonlari yozilgan. Bahodir qaysidir qurilmadagi tugmani bossa, o'sha qurilmadagi son bittaga ortadi.

Bahodir uchta qurilmada bir xil son ko'rsatilishini xohlaydi. Buninh uchun u tugmalarni kamida necha marta bosishi kerak?

Kiruvchi ma'lumotlar:

Birinchi qatorda \(A\) butun son kiritiladi.

Ikkinchi qatorda \(B\) butun son kiritiladi.

Uchinchi qatorda \(C\) butun son kiritiladi.

Barcha testlarda \(1 \le A \le B \le C \le 1000\).

Chiquvchi ma'lumotlar:

Yagona qatorda uchta qurilmada bir xil son ko'rsatish uchun kamida nechta tugma bosish kerakligini chiqaring.

Izoh:

Misolda Bahodir birinchi qurilma tugmasini 3 marta, ikkinchi qurilma tugmasini esa 1 marta bosishi mumkin. Shunda jami \(3+1=4\) marta tugma bosiladi.

Misollar:

#	INPUT.TXT	OUTPUT.TXT
1	3 5 6	4

C. snake_case vs camelCase

Xotira: 32 MB, Vaqt: 1000 ms

Masala

Yaqinda dasturchilikni o'rganishni boshlagan Boymirza o'zining o'zgaruvchisiga nom berishi kerak. Boymirza nomni o'ylab bo'lgan, faqat uni qaysi keysda yozishni bilmayapti. Boymirza ikkita keysdan foydalanishi mumkin:

snake_case - bunda barcha so'zlar kichkina harflar bilan yoziladi, so'zlar orasi esa pastki chiziqcha bilan ajratiladi. Masalan, this_is_a_good_example.
camelCase - bunda birinchi so'z kichkina harflar bilan, keyingi barcha so'zlarda esa birinchi harf katta bilan yoziladi. Masalan, thisIsAGoodExample.

Sizga Boymirza o'zgaruvchi nomida ishlatmoqchi bo'lgan so'zlar beriladi. Siz ikkala variantda ham o'zgaruvchi nomini chiqarib bering.

Kiruvchi ma'lumotlar:

Birinchi qatorda \(n\) - jami so'zlar soni kiritiladi. \(1 \le n \le 1000\)

Keyingi \(n\) ta qatorda kichkina harflardan tashkil topgan so'zlar kiritiladi. Har bir so'z uzunligi 50dan oshmaydi.

Chiquvchi ma'lumotlar:

Ikkita qatorda o'zgaruvchi nomini chiqaring. Birinchi qatorda snake_case uchun, ikkinchi qatorda camelCase uchun.

Misollar:

#	INPUT.TXT	OUTPUT.TXT
1	5 this is a good example	this_is_a_good_example thisIsAGoodExample
2	2 hello world	hello_world helloWorld

D. ValiExpress

Xotira: 32 MB, Vaqt: 1000 ms

Masala

Sardor dunyo bo'ylab sayohatga chiqyapti. Sayohat \(n\) kun davom etadi, va \(i\)-kuni Sardor \(a[i]\) raqamli shaharda bo'ladi. Bugun \(0\)-kun, sayohat ertadan boshlanadi.

Shuningdek, Sardor ValiExpress saytidan tovar buyurtma qilishi kerak. Tovarni qaysi shaharga yetkazishni Sardorning o'zi tanlashi mumkin, lekin ixtiyoriy \(c\) shahar uchun, tovarni \(c\)-shaharga yetkazib berishga \(t[c]\) kun vaqt ketadi. Tovar yetib kelgan kuni Sardor o'sha shaharda bo'lishi kerak, aks holda tovarni ortga qaytarib yuborishadi.

Aytaylik, Sardor tovarni aynan \(d\) kundan so'ng buyurtma qilsin. Har bir \(0 \le d \lt n\) uchun, Sardor tovarni nechta shaharga buyurtma qilishi mumkinligini chiqaring. E'tibor bering, \(d=0\) bo'lsa buyurtma bugun (ya'ni sayohatga chiqishdan oldin) beriladi.

Kiruvchi ma'lumotlar:

Birinchi qatorda \(n\) butun son - sayohat davomiyligi kiritiladi. (\(1 \le n \le 10^5\))

Ikkinchi qatorda \(n\) ta butun son - \(a[1],a[2],\ldots,a[n]\) kiritiladi. (\(1 \le a[i] \le n\), barcha \(1 \le i \le n\) uchun)

Uchinchi qatorda \(n\) ta butun son - \(t[1],t[2],\ldots,t[n]\) kiritiladi. (\(1 \le t[i] \le n\), barcha \(1 \le i \le n\) uchun)

Chiquvchi ma'lumotlar:

Yagona qatorda \(n\)ta butun son - barcha \(0 \le d \lt n\) uchun, Sardor tovarni aynan \(d\) kundan so'ng nechta shaharga buyurtma qilishi mumkinligini chiqaring.

Izoh:

\(d=0\) bo'lsa, Sardor buyurtmani \(1\) yoki \(3\)-shaharlarga yetkazishni tanlashi mumkin. Buyurtma \(t[1]=2\) kunda birinchi shaharga yetib boradi va Sardor ham o'sha kuni birinchi shaharda bo'ladi. Yoki buyurtma \(t[3]=1\) kunda uchinchi shaharga yetib boradi va Sardor ham o'sha kuni uchinchi shaharda bo'ladi. Demak, \(d=0\) holatda javob 2.

\(d=2\) bo'lsa Sardor tovarni \(1,4,5\)-shaharlarga yetkazib berishni buyurtma qilishi mumkin.

Misollar:

#	INPUT.TXT	OUTPUT.TXT
1	5 3 1 4 1 5 2 3 1 1 3	2 0 3 0 0

E. Shokoladlar

Xotira: 32 MB, Vaqt: 1000 ms

Masala

Anvar va Bobur shokoladlar o'yinini o'ynashmoqda. Stol ustida \(n\) dona shokolad bor, ularning og'irliklari \(w[1],w[2],\ldots,w[n]\) gramga teng.

Birinchi bo'lib Anvar bitta shokoladni olib yeb qo'yadi. Keyin Bobur bitta shokoladni olib yeydi. Keyin yana Anvar va h.k.

E'tibor bering, o'yinchilar birinchi yoki oxirgi shokoladdan boshlashlari shart emas. Ular istalgan shokoladni olib yeyishlari mumkin.

Yakunda ko'proq og'irlikdagi shokolad yegan o'yinchi g'olib bo'ladi. Anvar va Bobur optimal o'ynashsa, kim g'olib bo'lishini toping.

Kiruvchi ma'lumotlar:

Birinchi qatorda \(n\) kiritilad. \(1 \le n \le 10^5\)

Ikkinchi qatorda \(n\) ta butun son - \(w[1], w[2], \ldots,w[n]\) kiritiladi. \(1 \le w[i] \le 10^9\)

Chiquvchi ma'lumotlar:

Agar optimal o'yinda Anvar g'alaba qozonsa “Anvar”, Bobur g'alaba qozonsa “Bobur”, agar ikkalasi bir xil miqdorda shokolad yeyishsa “Durang” deb chiqaring.

Izoh:

Birinchi misolda, Anvar avval \(w[3]=3\) shokoladni yeyishi mumkin. Aytaylik, keyin Bobur \(w[4]=4\) shokoladni yeydi. Keyin Anvar \(w[2]=4\) shokoladni, Bobur esa \(w[1]=2\) shokoladni yeydi.

Anvar jami \(w[3]+w[2]=3+4=7\) gram, Bobur esa \(w[4]+w[1]=4+2=6\) gram shokolad yeydi va Anvar g'alaba qozonadi.

Ikkinchi misolda ikkala shokolad ham bir xil og'irlikda, demak o'yin Durang bilan yakunlanadi.

Misollar:

#	INPUT.TXT	OUTPUT.TXT
1	4 2 4 3 4	Anvar
2	2 3 3	Durang

F. Juftliklar sonini top.

Xotira: 32 MB, Vaqt: 1000 ms

Masala

Sizga \(a[1],a[2],\ldots,a[n]\) massiv va \(T\) soni berilgan. Massivda \(a[i]+a[j]\le T\) shart bajariladigan \(1 \le i \lt j \le n\) juftliklar sonini toping.

Kiruvchi ma'lumotlar:

Birinchi qatorda \(n\) va \(T\) butun sonlari kiritiladi. \(2 \le n \le 10^5\), \(1 \le T \le 2 \cdot 10^9\)

Keyingi qatorda \(n\) ta butun son - \(a[1], a[2], \ldots, a[n]\) kiritiladi. \(1 \le a[i] \le 10^9\)

Chiquvchi ma'lumotlar:

Yagona qatorda javobni chiqaring.

Izoh:

Misolda \(a[1]+a[3]=2+3=5\), \(a[1]+a[4]=2+2=4\) va\(a[3]+a[4]=3+2=5\) juftliklar shartni qanoatlantiradi.

Misollar:

#	INPUT.TXT	OUTPUT.TXT
1	4 5 2 4 3 2	3

G. Ortiqcha son

Xotira: 32 MB, Vaqt: 1000 ms

Masala

Sizga \(n\) ta butun son - \(a[1],a[2],\ldots,a[n]\) berilgan. Qiziq tomoni, bitta sondan boshqa barcha sonlarni \(x^y\) ko'rinishida ifodalasa bo'ladi, bu yerda \(x\) - o'zgarmas, \(y\) esa o'zgarishi mumkin. Shuningdek, \(x \ge 2\) va \(y \ge 1\).

Vazifangiz, berilgan sonlar ichida “ortiqchasini” topish.

Kiruvchi ma'lumotlar:

Birinchi qatorda \(n\) butun soni kiritiladi. \(4 \le n \le 10^5\)

Keyingi qatorda \(n\) ta butun son - \(a[1], a[2], \ldots, a[n]\) kiritiladi. \(2 \le a[i] \le 10^9\)

Chiquvchi ma'lumotlar:

Yagona qatorda ortiqcha sonni chiqaring.

Izoh:

Misolda ortiqcha son \(32\)ga teng. Chindan ham, qolgan sonlar \(81,3,27,27,729\) va bular mos ravishda \(3^4,3^1,3^3,3^3,3^6\) ga teng.

Misollar:

#	INPUT.TXT	OUTPUT.TXT
1	6 81 3 27 27 32 729	32