A. Robolandiya(ro'yhatga olish)

Xotira: 16 MB, Vaqt: 1000 ms

Masala

Sirli o'rmonlarga yashiringan Robolandiya davlatida saylov o'tqazilmoqchi va saylov uchun odamlarni ro'yhatdan o'tkazishda bazi odamlar birinchi familyasini so'ng ismini kiritishgan. Sizning vazifangiz birinchi ism keyin familya korinishida chiqarishingiz kerak. (Robolandiya davlatida familyalar ″v″ harfi bilan tugaydi

Kiruvchi ma'lumotlar:

Har xil tartibda ism va familya kiritiladi. Bunda ismlar 'v' bilan tugamasligi kafolatlanadi.

Chiquvchi ma'lumotlar:

Ism familya korinishida chiqarish

Misollar:

#	INPUT.TXT	OUTPUT.TXT
1	Rustamov Javohir	Javohir Rustamov
2	Sherali Jorayev	Sherali Jorayev

B. Vaqt

Xotira: 16 MB, Vaqt: 1000 ms

Masala

Sizga biror vaqtni beraman shu vaqtda t minut o'tgandan keyingi vaqtni ayting. 24 soatlik vaqt haqida malumotga ega bo'lmasangiz: link.

Kiruvchi ma'lumotlar:

Birinchi qatorda \(hh:mm\) formatidagi biror vaqt(\(0 \leq hh < 24, 0 \leq mm < 60\)).
Ikkinchi qatorda t(\(0 \leq t \leq 10^4\)) butun son kiritiladi.

Chiquvchi ma'lumotlar:

Hosil bo'lgan vaqtni \(hh:mm\) ko'rinishida chop eting.

Misollar:

#	INPUT.TXT	OUTPUT.TXT
1	10:10 0	10:10
2	23:59 10	00:09

C. Oppog'oy va 7 gnomlar

Xotira: 16 MB, Vaqt: 1000 ms

Masala

Oppog'oy va 7 gnom ertagidan ma'lumki gnomlar 7 ta bo'lishi kerak edi. Lekin Yalmog'iz kampir ularga yana 2 ta gnomlarni qo'shib qo'yipti. Yaxshiyamki oppog'oy ularga sirli sonlar aytib qo'ygan edi. Ulardagi sonlar yig'indisi 100 ga teng bo'lishi kerak edi. Oppog'oyga o'zini gnomlarini ajratib olishda yordam bering.

Kiruvchi ma'lumotlar:

Kirish faylida 9 ta natural son kiritiladi. Ularning qiymati 100 dan oshmaydi va yagona(hech biri boshqasiga teng emas).

Chiquvchi ma'lumotlar:

Chiqish faylida 7 gnomni sirli sonlarini alohida qatorda istalgan tartibda chop eting.

Izoh:

Yagona yechim mavjudligi kafolatlanadi.

Misollar:

#	INPUT.TXT	OUTPUT.TXT
1	1 5 6 7 10 12 19 29 33	1 5 6 7 19 29 33
2	1 2 3 4 5 6 7 8 79	1 2 3 4 5 6 79

D. RTda Robotlar musobaqasi

Xotira: 16 MB, Vaqt: 1000 ms

Masala

Va nihoyat SamDU RTda ham katta ustoz Nazarov boshchligida robotlar musobaqasiga start berildi. Bu musobaqada ko'plab dasturchilar qatnashmoqda edi bulardan saytda mashhur, siz taniydigan Obid Sindarov , Esanov Otabek va ularning shogirdlari ishtirok etmoqda edi. Ularga berilgan topshiriq shundan iborat edi: ular Technoways musobaqasi uchun tayyorlangan robotlarga dastur (suniy aql) tuzishlari kerak edi. Shartlar quydagicha edi:

Robot faqat 4ta tomonga yura oladi ('s' - shimol, 'j' - janub, 'q' - sharq, 'g' - g'arb)
4ta kamanda bajara oladi (0 - oldinga yur, 1 - chapga buril, 2 - o'nga buril, 3 - orqaga(180⁰ga) buril)

Ular bu ishni yuqori darajada yakunladi. Ustozlarining yutuqlaridan ilhomlangan Mamayusuf ham endi robotlarga dastur yozmoqchi bo'ldi va bu ishni uddaladi. Lekin hali dasturni robotlarda sinab ko'rmagan Yusuf tuzgan dasturidan ikkilanyapdi siz unga ikkinchi namunaviy dastur yozib berishingizni so'ramoqda, bu ish sizning qo'lingizdan kelsa unga yordam bering.

Kiruvchi ma'lumotlar:

Bitta qatorda s (s, j, q, g ) buyruq va k \((0\le |k|\le 3)\)kamanda beriladi.

Chiquvchi ma'lumotlar:

Berilgan kamandadan so'ng ( janub, shimol, sharq, g'arb ) robotning holatini chop eting.

Misollar:

#	INPUT.TXT	OUTPUT.TXT
1	s 3	janub

E. Antiqa son #1

Xotira: 16 MB, Vaqt: 100 ms

Masala

Sizga \(n\) soni beriladi siz esa bu son Antiqa son yoki yo'qligini topshingiz kerak.

Antiqa son - bu yuqoridan ham pastdan ham bir hil o'qiladigan son, ya'ni sonni \(180 \degree\) ga aylantirsak ham (satr sifatida) qiymati o'zgarmaydi. Misol uchun: 69, 88,11.

Kiruvchi ma'lumotlar:

Sizga yagona qatorda \(n\) soni beriladi \((1 ≤ n ≤ 10 ^{101})\).

Chiquvchi ma'lumotlar:

Agar kiritilgan son Antiq son hisoblansa ″YES″ aks holda ″NO″ so'zlarini chiqaring.

Izoh:

Antiqa sonlar quyidagi raqamlar bilan hosil qilinadi. Bu yerda raqamlarning \(180 \degree\) ga aylantirgandan keyin o'zgarish holatlari:

0 → 0
1 → 1
8 → 8
6 → 9
9 → 6

Misollar:

#	INPUT.TXT	OUTPUT.TXT
1	1111	YES
2	1011	NO
3	9696	YES

F. Restoran

Xotira: 16 MB, Vaqt: 1000 ms

Masala

Eldor va Bektosh kechki ovqatni restoranda qilishga qaror qilishdi. Restoranda har bir portsiya taomni birgalikda istemol qilamiz deb Eldor N ta taomdan 1 portsiyadan buyurtma qildi. Buyurtma qilingan taomlar 0 dan N-1 gacha tartiblangan holda berilgan, Bektosh shu taomlardan aynan k-tartiblisini yeyishdan bosh tortdi. To’lov vaqti kelganda Bektosh o’zi istemol qilgan taomlarning umumiy narxini yarmini to’lashi kerak, uning hamyonida P so’m pul bor. Restorandan chiqqan vaqtda Bektoshda qancha pul qolishini aniqlang!

Kiruvchi ma'lumotlar:

Kirish faylining dastlabki satrida ikkita butun son, N(2 ≤ N ≤ 10⁵) va K(0 ≤ K < N) butun sonlar kiritiladi. Ikkinchi satrda N ta [0, 10⁴] oralig’idagi butun son, har bir taomning narxlari kiritiladi. Uchinchi satrda esa [0, 10⁹] oralig’idagi butun son, Bektoshning hamyonida qancha pul borligi kiritiladi.

Chiquvchi ma'lumotlar:

Chiqish faylida bitta butun son, restorandan chiqqanda Bektoshning hamyonida qancha pul qolganini aniqlang! Javob butun son bo’lishi va Bektoshning puli to’lov qilishga yetishi kafolatlanadi.

Misollar:

#	INPUT.TXT	OUTPUT.TXT
1	4 1 3 10 2 9 7	0
2	4 1 3 10 2 9 12	5

G. Kriptoqofiya

Xotira: 16 MB, Vaqt: 1000 ms

Masala

\(\overline{sinus} + \overline{sinus} + \overline{kosinus} = \overline{tangens}\)

Yuqoridagi formuladagi har bir belgi qaysidir bir raqamni ifodalaydi, bir xil belgilar bir xil raqamni ifodalaydi, har xil belgilar har xil raqamni ifodalaydi. Sizga belgi beriladi, siz berilgan belgi yuqoridagi formulada qaysi raqamni ifodalashini aniqlang

Kiruvchi ma'lumotlar:

Kirish faylida \(\{s,i,n,u,k,o,t,a,g,e\}\) belgilar to’plamidan bitta belgi kiritiladi.

Chiquvchi ma'lumotlar:

Chiqish faylida kiritilgan belgi qaysi raqamni ifodalashini aniqlang.

Misollar:

#	INPUT.TXT	OUTPUT.TXT
1	s	5

H. Konstovar

Xotira: 16 MB, Vaqt: 1000 ms

Masala

Adiz darslarida ishlatish maqsadida konstovar do’konidan bitta ruchka va bitta qalam olishga qaror qildi. Uning hamyonida B so’m pul bor. Buni qarangki konstovar do’konida N xil turdagi ruchka va M xil turdagi qalam mavjud ekan, va ularning narxlari ham turlicha. Adiz bitta ruchka va bitta qalam olish uchun eng ko’p necha so’m pul sarflashi mumkinligini bilmoqchi, siz unga buni aniqlashda yordam bering. Agarda u bitta ruchka va bitta qalam xarid qila olmasa -1 javobini chop eting.

Kiruvchi ma'lumotlar:

INPUT.TXT kirish faylining dastlabki satrida uchta butun son, B(1 ≤ B ≤ 10⁶), N, M(1 ≤ N, M ≤ 10³) sonlari kiritiladi, ikkinchi satrda [1, …, 10⁶] oraliqdagi N ta butun son, mos ravishda har bir turdagi ruchkaning narxi kiritiladi, uchinchi satrda [1, …, 10⁶] oraliqdagi M ta butun son, mos ravishda har bir turdagi qalamning narxi kiritiladi.

Chiquvchi ma'lumotlar:

OUTPUT.TXT chiqish faylida bitta butun son, masala javobini chop eting

Misollar:

#	INPUT.TXT	OUTPUT.TXT
1	5 1 1 4 5	-1
2	10 2 3 3 1 5 2 8	9

I. 10->2

Xotira: 16 MB, Vaqt: 1000 ms

Masala

2 lik samoq sistemasi vaqat '0' va '1' raqamlaridan tashkil topgan bo'lib, unda biz sanoqda ishlatiladigan sonlar o'rniga 0 va 1 lardan tuzilgan ketma-ketlik ishlatiladi.

Misol uchun biz ishlatadigan 10 liksanoq sistemasida sonlarni 2 lik sanoq sistemasidagi ko'rinishi quyidagicha bo'ladi.

0-0
1-1
2-10
3-11
4-100
5-101
...

Sizning vazifangiz 10 lik sanoq sistemasidagi sonni 2 lik sanoq sistemasiga o'tkazish.

Kiruvchi ma'lumotlar:

Bitta qatorda qiymati 131072 dan oshmaydigan 10 lik sanoq sistemasidagi son.

Chiquvchi ma'lumotlar:

Bitta qatorda berilgan sonning 2 lik sanoq sistemasidagi ko'rinishi.

Misollar:

#	INPUT.TXT	OUTPUT.TXT
1	123123	11110000011110011