A. A+B

Xotira: 16 MB, Vaqt: 1000 ms

Masala

Sizga ikkita natural son beriladi. ularning yig‘indisini hisoblash kerak.

Kiruvchi ma'lumotlar:

Kirish oqimida ikkita butun son, $A$ va $B$ beriladi. Har ikkala son ham $10^9$ dan kichik.

Chiquvchi ma'lumotlar:

Berilgan ikkita sonning yig‘indisini ekranga chiqaring.

Izoh:

Python dasturlash tilida ushbu masalani yechish uchun e'tibor bering: ikkita son bitta qatorda kiritiladi. Shu sababli, int(input()) buyrug‘idan foydalanish noto‘g‘ri bo‘lishi mumkin. Buning o‘rniga, quyidagi kodni ishlatishni tavsiya qilamiz:

a, b = map(int, input().split())

Bu buyruq ikkita sonni bitta qatordan o‘qib, ularni butun songa aylantiradi.

Misollar:

#	INPUT.TXT	OUTPUT.TXT
1	2 3	5

B. Katta-kichik

Xotira: 16 MB, Vaqt: 1000 ms

Masala

Sonlar ustida amallarning eng muximlaridan biri bu - taqqoslashdir. Ushbu masalada sizga qo'yilgan talab, ikkita butun sonni taqqoslash kerak bo'ladi.

Kiruvchi ma'lumotlar:

Kirish oqimida ikkita butun son $A$ va $B$ berilgan bo'ladi, va ularning absolyut qiymati $2 \times 10^9$ dan kichik bo'ladi.

Chiquvchi ma'lumotlar:

Chiqarish oqimida bitta belgi chiqarish kerak. Agar $A > B$ bo'lsa $>$ , agar $A = B$ bo'lsa $=$ , yoki $A < B$ bo'lganda $<$ belgisini.

Misollar:

#	INPUT.TXT	OUTPUT.TXT
1	0 0	=
2	34 43	<
3	-34 -43	>

C. Uzluksiz birlar

Xotira: 16 MB, Vaqt: 1000 ms

Masala

Sizga uzunligini $10^6$ dan oshmaydigan $S$ satr beriladi, sizning vazifangiz satrda ketma-ket kelgan birlar faqat bitta kesmadami yoki yo’q shuni aniqlash.

Kiruvchi ma'lumotlar:

Yagona qatorda $S (0 < |S| \le 10^6)$ satr beriladi.

Chiquvchi ma'lumotlar:

Yagona qatorda berilgan satrda ketma-ket kelgan birlar faqat bitta kesmada bo’lsa $\text{YES}$ aks holda $\text{NO}$ so’zini chiqaring!

Misollar:

#	INPUT.TXT	OUTPUT.TXT
1	011111000	YES
2	0011111000	YES
3	11101	NO

D. Pangram

Xotira: 16 MB, Vaqt: 1000 ms

Masala

Pangram bu shunday satrki, unda alifbodagi barcha harf qatnashgan bo’ladi.

Kiruvchi ma'lumotlar:

Kirish faylida ingliz alifbosining katta va kichik harflari hamda probeldan tashkil topgan uzunligi 1000 ta belgidan oshmaydigan satr kiritiladi.

Chiquvchi ma'lumotlar:

Kiritilgan satr ingliz alifbosi uchun pangram yoki pangram emas ekanligini aniqlang!

Misollar:

#	INPUT.TXT	OUTPUT.TXT
1	Kiritilgan satr pangram chunki bu yerda ingliz alifbosining barcha belgisi ishtirok etdi hattoki qwjxv lar ham	pangram

E. Kesma va aylanalar

Xotira: 16 MB, Vaqt: 1000 ms

Masala

Tekislikda markazi koordinata boshidan boshlangan radiusi $1,2,3, \dots, \infin$ teng bo’lgan aylanalar bor, hamda tekislikda uchlari $A(x_A, y_A)$ va $B(x_B, y_B)$ nuqtalardan iborat kesma berilgan. Kesma jami nechta aylana bilan umumiy nuqtaga ega ekanligini aniqlang.

Kiruvchi ma'lumotlar:

Kirish faylining yagona satrida to’rtta butun son, $x_A, y_A, x_B, y_B (-10^9 ≤ x_A, y_A, x_B, y_B ≤ 10^9)$ sonlari kiritiladi.

Chiquvchi ma'lumotlar:

Chiqish faylining yagona satrida bitta butun son, so’ralgan javobni chop eting!

Misollar:

#	INPUT.TXT	OUTPUT.TXT
1	1 1 2 1	1
2	1 2 2 1	0
3	-2 1 2 1	2

F. Sayyohlik agentligi muammosi

Xotira: 32 MB, Vaqt: 1000 ms

Masala

Robolandiya - go'zal diyor. U N ta shaharni o'z ichiga oladi, va shaharlar 1 dan N gacha raqamlangan.

Robolandiya mamlakatida turli shaharlarni bog'laydigan M ta ikki tomonlama yo'l mavjud.

Robolandiya qo'riqchilari o'z prezidentini juda kuchli qo'riqlashadi. Bundan tashqari prezident xizmat safari bilan qaysi shaharga borishidan qat'iy nazar shu shaharga bog'langan barcha yo'llarni yopishadi ham.

Robolandiya fuqarolarini mamlakat bo'ylab sayohat qilishlari uchun tashkil etilgan sayyohlik agentligi o'z sayohatlarini avtobuslarda amalgan oshirganligi sababli ba'zi $u \neq v (1 \le u, v \le n)$ juftliklar uchun u-shaharda istiqomat qiladigan fuqarolarni v-shaharga sayohatga eta olishmaydi.

Sayyohlik agentligi har bir $i$ - shahar uchun, agar mamlakat prezidenti xizmat safari bilan $i$ -shaharga kelgan bo'lsa jami nechta $u \neq v (1 \le u, v \le n)$ juftliklar uchun u-shaharda istiqomat qiladigan fuqarolarni v-shaharga sayohatga eta olmasligini aniqlamoqchi.

Siz yuqori malakali dasturchi sifatida sayyohlik agentligiga yordam bering!.

Kiruvchi ma'lumotlar:

Birinchi qatorda N va M, shaharlar va ularni bog'lab turuvchi ikki tomonlama yo'llar soni kiritiladi.

Keyingi M ta qatorning har birida ikkitadan butun son - har bir yo'l bog'lab turadigan ikki shaharning tartib raqami kiritiladi.

$1 \le N \le 10^5$

$1 \le M \le 5*10^5$

Chiquvchi ma'lumotlar:

$1 \le i \le N$ oralig'idagi har bir $i$ uchun alohida qatorda, Robolandiya prezidenti xizmat safari bilan $i$ - shaharda bo'lganida sayyohlik agentligi jami nechta $u \neq v (1 \le u, v \le n)$ juftliklar uchun u-shaharda istiqomat qiladigan fuqarolarni v-shaharga sayohatga eta olmasligini chop eting.

Misollar:

#	INPUT.TXT	OUTPUT.TXT
1	5 4 1 2 1 3 1 4 1 5	20 8 8 8 8
2	5 5 1 2 2 3 1 3 3 4 4 5	8 8 16 14 8

G. Robot-Mexanik va Mexanik-Tartiblash

Xotira: 32 MB, Vaqt: 1000 ms

Masala

Katta zavodda ishlaydigan robot-mexanik buzilgan N ta dvigatel raqamini tartibga keltirishi kerak. Har bir dvigatel 1 dan N gacha bo‘lgan butun son bilan belgilangan bo‘lib, har biri faqat bir marta uchraydi.

Robot "Mexanik-Tartiblash" deb nomlangan quyidagi tuzatish algoritmi bo‘yicha ishlaydi, u N bosqichdan iborat:

Birinchi bosqichda, eng kichik dvigatel raqami (1) to‘g‘ri joyiga qo‘yiladi.
Ikkinchi bosqichda, eng katta dvigatel raqami (N) o‘z joyiga joylashtiriladi.
Uchinchi bosqichda, navbatdagi eng kichik dvigatel raqami (2) o‘z joyiga ko‘chiriladi.
To‘rtinchi bosqichda, navbatdagi eng katta dvigatel raqami (N-1) joylashtiriladi.
Bu jarayon shunday davom etadi, toq bosqichlarda eng kichik dvigatel, juft bosqichlarda esa eng katta dvigatel kerakli joyiga qo‘yiladi. Dvigatellar o'z joyiga qo'yilishi uchun u o'ziga qoshni bo'lgan boshqa dvigatellar bilan joylashuvini istalgancha almashtirishi mumkin.

Sizning vazifangiz – har bir bosqichda amalga oshirilgan almashtirishlar sonini hisoblash va chiqarish.

Kiruvchi ma'lumotlar:

Birinchi qator - $N$ butun soni $(1\le N\le 10^5)$ , dvigatellar soni.

Keyingi N qator - har birida 1 dan N gacha bo‘lgan butun son, dvigatellarning boshlang‘ich tartibi.

Barcha dvigatel raqamlari bir martadan uchraydi.

Chiquvchi ma'lumotlar:

N ta qatorda har bir bosqichda amalga oshirilgan almashtirishlar sonini chop eting.

Misollar:

#	INPUT.TXT	OUTPUT.TXT
1	3 2 1 3	1 0 0
2	5 5 4 3 2 1	4 3 2 1 0

H. Bilmasvoy va sehrli parol

Xotira: 32 MB, Vaqt: 1000 ms

Masala

Bilmasvoy — har kuni yangi jumboqlar o‘ylab topadigan qiziquvchan bola. Bugun u sehrli eshik oldida turibdi!
Eshik faqat maxsus shartlarga javob beradigan kodni kiritgandagina ochiladi.

Sehrli eshikni ochish uchun ikki asosiy shart bajarilishi kerak:

Kod [A, B] oraliqdagi sonlardan biri bo‘lishi lozim.
Kod raqamlarining yig‘indisi aynan S ga teng bo‘lishi kerak.

Bilmasvoy tezroq eshikni ochishni xohlayapti, lekin kodni qo‘lda topish juda uzoq vaqt oladi.
Unga tezroq yordam bering!

Sizning vazifangiz - shartlarni qanoatlantiradigan nechta parol mavjudligini hamda eng kichik parolni topish.

Eslatma: Berilgan oraliqda eng kamida bitta parol mavjud ekanligi kafolatlanadi!

Kiruvchi ma'lumotlar:

Bitta qator ichida uchta butun son - A, B, S kiritiladi. $(1\le A\le B < 10^{15}, 1\le S\le 135)$

Chiquvchi ma'lumotlar:

Birinchi qatorda [A, B] oraliqdagi raqamlar yig‘indisi S ga teng bo‘lgan nechta kod borligini chiqaring.

Ikkinchi qatorda eng kichik kodni chiqaring.

Misollar:

#	INPUT.TXT	OUTPUT.TXT
1	1 100 10	9 19
2	1 9 5	1 5

I. Navbatchilik

Xotira: 32 MB, Vaqt: 1000 ms

Masala

Guruhda $N$ ta askar bor. Askarlar $1$ dan $N$ gacha bo'lgan sonlar bilan raqamlangan. Armiya qoidasiga binoan har bir guruhdan uchta askar kechki navbarchilikda qolishi va atrofni mudofaa qilishi lozim.

Askarlarni navbatchilikka tayinlash vazifasi guruh rahbari(пропорчик)ning zimmasida. Bu juda oson tuyulishi mumkin, ammo guruh rahbari o'zining oldin bitirib ketgan guruhlaridan shunday xulosaga kelganki ikki askar uch marotadan ko'p birgalikda navbatchilikda tura olmaydi, har doim qaysidir ikki askar to'rtinchi marotaba birgalikda navbatchilikka tushishsa o'zari janjallashib guruh boshiga ko'plab tashvish olib kelishi mumkin.

Yuqorida keltirilgan muammoni bilgan holda guruh rahbari o'z askarlarini jami necha kun tinch holda navbatchilikka qo'yishi mumkin ekanligini, hamda bu navbatchilik tartibini bilmoqchi. Guruh rahbariga bularni aniqlashda yordam bering.

Kiruvchi ma'lumotlar:

Kirish faylida yagona natural toq son, $N(3 \le N < 500)$ - guruhdagi askarlar soni kiritiladi.

Chiquvchi ma'lumotlar:

Chiqish faylining dastlabki satrida bitta butun son, Guruh rahbari o'z askarlarini eng ko'pi bilan necha kun tinch holda navbatchilikka qo'ya olishini chop eting. Keyingi qatordan boshlab alohida qatorda aynan shu natijaga erishish uchun har bir kunda qaysi askarlarni navbatchilikka qo'yish kerakligini chop eting. Javob variantlari ko'p bo'lgan taqdirda istalganini chop eting.

Misollar:

#	INPUT.TXT	OUTPUT.TXT
1	3	3 3 1 2 2 3 1 1 2 3
2	5	10 3 4 5 2 3 4 2 3 5 2 4 5 1 2 3 1 2 4 1 2 5 1 3 4 1 3 5 1 4 5