A. Dasturchilar kuni

Xotira: 16 MB, Vaqt: 1000 ms

Masala

Baytlandiya mamlakatida dasturchilar kuni(yilning 256 – kuni) qaysi sanaga to’g’ri kelishini aniqlang.

Baytlandiya mamlakati 1917-yilga qadar Yulian taqvimidan foydalangan, 1919-yildan boshlab Grigorian taqvimidan foydalangan, 1918-yil esa Yulian taqvimidan Grigorian taqvimiga o’tish davri hisoblangan, va aynan shu yili 31-yanvardan so’ng 14-fevral boshlangan, ya’ni 14-fevral shu yilning 32-sanasi bo’lgan. Ikkala taqvim tizimida ham faqatgina fevral oyi sanalar soni o’zgaruvchan bo’lgan, ya’ni kabisa yilida 29 kundan iborat, qolgan yillarda 28 kundan iborat bo’lgan. Yulian taqvimida yil raqami 4 ga qoldiqsiz bo’linsa kabisa yili hisoblangan, Grigorian taqvimida kabisa yili bo’lishi uchun quyidagi ikki shartdan biri bajarilishi kerak bo’lgan:

Yil raqami 400 ga qoldiqsiz bo’linishi
Yil raqami 100 ga bo’linmasligi va 4 ga bo’linishi

Kiruvchi ma'lumotlar:

INPUT.TXT kirish faylida bitta butun son, \(Y(1700 \le Y \le 2700)\) – yil raqami kiritiladi.

Chiquvchi ma'lumotlar:

OUTPUT.TXT chiqish faylida kiritilgan yildagi dasturchilar kunini dd.mm.yyyy formatida chop eting.

Misollar:

#	INPUT.TXT	OUTPUT.TXT
1	2020	12.09.2020

B. Eng shirin kanfet!

Xotira: 16 MB, Vaqt: 1000 ms

Masala

Dilnura hozirda maktabgacha ta’lim muassasasida o’qiydi, u sho’xligi bois juda ham chaqqon, shirinliklarni juda ham yoqtiradi. Kunlardan bir kun ularning o’qituvchisi bolalarga tarqatish uchun jami \(N\) ta kanfet olib keldi, tarqatishdan oldin bolalarga aylana stol atrofida o’tirishlarini buyurdi, shu orada uning kanfetlari ichida eng shirini oxirgi kanfeti ekanligini, tarqatishni esa \(K\)-o’rindiqdan boshlab soat yo’nalishi bo’ylab tarqatishini aytdi. Buni qarangki aylana stol \(M\) ta bolaga mo’ljallangan va har bir o’rindiq soat yo’nalishi bo’ylab \(1\) dan \(M\) gacha raqamlangan hamda jami \(M\) ta bola bor.

Dilnura hisob – kitob qilishni judayam yomon ko’radi, ammo shirinlikni judayam sevgani uchun eng shirin kanfetni olmoqchi. Dilnuraga eng shirin kanfetni olishi uchun qaysi o’rindiqqa o’tirishi kerakligini topishda yordam bering.

Kiruvchi ma'lumotlar:

INPUT.TXT kirish faylining birinchi satrida bitta butun son, \(T (1 \le T \le 100)\) – testlar soni kiritiladi. Keyingi qatordan boshlab har bir test uchun alohida qatorda bo’sh joy bilan ajratilgan holda uchta butun son, \(M, N, K (1 \le N, M \le 10^9, 1 \le K \le M)\) sonlari kiritiladi.

Chiquvchi ma'lumotlar:

OUTPUT.TXT chiqish faylida har bir test uchun alohida qatorda eng shirin kanfetni olishi uchun Dilnura qaysi raqamli o’rindiqda o’tirishi kerakligini chop eting.

Misollar:

#	INPUT.TXT	OUTPUT.TXT
1	2 5 2 1 5 2 2	2 3

C. Ajoyib to’rtlik

Xotira: 16 MB, Vaqt: 1000 ms

Masala

\((W,X,Y,Z)\) to’rtlik \(W ⨁ X ⨁ Y ⨁ Z \neq 0\) shartni qanoatlantirsa bu to’rtlik ajoyib to’rtlik deb ataladi.

Eslatma: Bu yerda \(⨁\) amali bitwise XOR amali hisoblanadi.

A, B, C, D sonlari beriladi, siz quyidagi shartni qanoatlantiruvchi ajoyib to’rtliklar sonini aniqlang:

\(1 \le W \le A\)
\(1 \le X \le B\)
\(1 \le Y \le C\)
\(1 \le Z \le D\)

Quyidagi shartlar bajarilganda ajoyib to’rtliklar bir xil deb hisoblanadi va sanoqda bir marotaba sanaladi:

Bir xil butun sonlardan tashkil topishi kerak
Har bir qatnashgan sonlar soni bir xil bo’lishi kerak

Misol uchun \((1,1,1,2)\) va \((1,1,2,1)\) to’rtliklar bir xil deb hisoblanadi.

Kiruvchi ma'lumotlar:

INPUT.TXT kirish faylining yagona satrida to’rtta butun son, \(A,B,C,D\) \((1 \le A, B, C, D \le 3000)\) sonlari kiritiladi.

Chiquvchi ma'lumotlar:

OUTPUT.TXT chiqish faylida ajoyib to’rtliklar sonini chop eting!

Misollar:

#	INPUT.TXT	OUTPUT.TXT
1	1 2 3 4	11

D. Eng katta polindrom

Xotira: 16 MB, Vaqt: 1000 ms

Masala

O’ngdan chapga va chapdan o’ngga o’qilganda bir xil o’qiladigan satr polindrom satr hisoblanadi.

Sizga butun sonni ifodalovchi \(N\) uzunlikdagi \(A\) satri berilgan. Siz \(A\) satridan ko’pi bilan \(K\) ta belgini boshqa belgiga almashtirgan holda hosil qilish mumkin bo’lgan eng katta butun sonni ifodalovchi polindrom satrni aniqlang, agar polindrom satr hosil qila olmasangiz \(-1\) javobini chop eting.

Kiruvchi ma'lumotlar:

INPUT.TXT kirish faylining dastlabki satrida ikkita butun son, \(N(0 < N \le 10^5)\) va \(K (0 \le K \le 10^5)\)sonlari kiritiladi. Keyingi satrda esa uzunligi \(N\) ta raqamdan iborat \(A (0 \le A < 10^N)\) butun son kiritiladi.

Chiquvchi ma'lumotlar:

Masala yechimini chop eting!

Misollar:

#	INPUT.TXT	OUTPUT.TXT
1	4 1 3943	3993

E. Polindrom to’rtlik

Xotira: 4 MB, Vaqt: 500 ms

Masala

Sizga ingliz alifbosining kichik harflaridan iborat \(S ( 1 \le |S| \le 10^6)\) satr berilgan, siz quyidagi shartni qanoatlantiruvchi \((A, B, C, D)\) to’rtliklar sonini toping:

\(0 \le A < B < C < D < |S|\)
\(S_A = S_D\)
\(S_B = S_C\)

Kiruvchi ma'lumotlar:

INPUT.TXT kirish faylining yagona satrida \(S\) kiritiladi

Chiquvchi ma'lumotlar:

OUTPUT.TXT chiqish faylida shartlarni qanoatlantiradigan \((A,B,C,D)\) to’rtliklar sonini \(10^9+7\) ga bo’lgandagi qoldiqni chop eting.

Misollar:

#	INPUT.TXT	OUTPUT.TXT
1	aaaaaac	15
2	obbo	1