A. Kamola va Musiqalar olami

Xotira: 16 MB, Vaqt: 1000 ms

Masala

Kamola musiqa tinglashni juda ham yaxshi ko'radi. Musiqa tinglashdan oldin musiqalar orasidan ma'lum bir qiziqarlisini tanlab olishi kerak. U palindrom so'zlarni juda ham yomon ko'rgani uchun u musiqaning nomi palindrom bo'lmasagina eshitishni xohlaydi. Musiqaning kichkina qismi deb esa, musiqa nomining ma'lum bir ketma - ket kelgan harflaridan tuzilgan so'zga aytiladi. Sizning vazifangiz esa musiqaning Kamola eshita olishi mumkin bo'lgan eng kichik qismining uzunligini aniqlash.

Palindrom so'z deb chapdan o'ngga va o'ngdan chapga o'qilgandan bir xil o'qiladigan so'zlarga aytiladi.

Kiruvchi ma'lumotlar:

Kirish faylining birinchi qatorida T ( 1 ≤ T ≤ \(10^9\) ) - testcaselar soni.
Har bir uchun bitta so'z - S (Sning uzunligi 1 ≤ |S| ≤ \(100\)).

Chiquvchi ma'lumotlar:

Har bir T uchun yagona qatorda agar yechim bo'lsa natijani chop eting. Aks holda -1 deb chop eting.

Misollar:

#	INPUT.TXT	OUTPUT.TXT
1	2 aaa aba	-1 2

B. Qadimiy chittak masalasi

Xotira: 16 MB, Vaqt: 1000 ms

Masala

a ta chittak b kunda c kg don yeydi. d ta chittak e kunda necha kilogram don yeya oladi ?

Kiruvchi ma'lumotlar:

Kirish qismida 5 ta butun son ya'ni a,b,c,d,e sonlari kiritiladi. (1≤a,b,c,d,e≤10\(^9\))

Chiquvchi ma'lumotlar:

Chiqish qismida esa yagona butun son javobni chop eting.

Izoh:

100 ta chittak 100 kunda 100 kg don yeydi. 10 ta chittak 10 kunda necha kilogramm don yeyishi hisoblansa 1 kg bo'ladi.

Misollar:

#	INPUT.TXT	OUTPUT.TXT
1	100 100 100 10 10	1

C. Tanos va uning sehrli toshlari

Xotira: 256 MB, Vaqt: 1000 ms

Masala

Bilamiz Tanos Marvel olamidagi eng yovuz qahramonlardan biri. Uni kuchli qilib turadigan narsalar esa sehrli toshlar. Tanos juda ham injiq bo'lgani uchun u toshlari orasidan xohlagan ikkitasini tanlaganda, ularning kuchlari bir biridan 2 martaga farq qilmasligi kerakligi aytdi. Ya'na ham aniqroq qilib aytadigan bo'lsak, Ikki toshning kuchlarini mos ravishda x va y deydigan bo'lsak, x = 2 * y ga teng bo'lmasligi kerak. Endi u sizdan eng kamida nechta toshini olib tashlaganda, uning xohishlari amalga oshishi so'rayapti.

Kiruvchi ma'lumotlar:

Kirish faylining birinchi qatorida N ( 1 ≤ N ≤ \(10^5\)) - Toshlari soni.

Keyingi qatorda N ta sondan tashkil topgan massiv, (\(a_1, a_2,..., a_N\)). (1 ≤ \(a_i\) ≤\(10^6\)).

Chiquvchi ma'lumotlar:

Chiqish faylining yagona qatorida minimum olib tashlanishi kerak bo'lgan toshlar soni.

Misollar:

#	INPUT.TXT	OUTPUT.TXT
1	5 1 2 4 8 9	2

D. Oson Ifoda

Xotira: 256 MB, Vaqt: 1000 ms

Masala

Sizga n va k butun sonlari beriladi. Siz quyidagi kasrlarni:
\(\frac{1}{2^k},\ \frac{2}{2^k},...,\frac{n}{2^k}\)

qisqarmas shaklga olib keling va suratlari yig'indisini chop eting.

Kasr qisqarmas bo'lishi uchun maxraji va surati EKUB qiymati 1 ga teng bo'lishi kerak.

Kiruvchi ma'lumotlar:

Kirish faylining birinchi qatorida T(\(1\le T\le10^5\)butun soni - Testcaselar soni

Har bir testcase uchun n (\(1\le n \le 10^9\)) va k (\(0 \le k \le 10^9\))

Chiquvchi ma'lumotlar:

Har bir testcase uchun masalaga yechim chop eting

Izoh:

1-testcase uchun izoh:
Kasrlar qisqartirilgandan keyingi holatda quyidagicha bo'ladi:
\(\frac{1}{2},\frac{1}{1},\frac{3}{2},\frac{2}{1},\frac{5}{2}\)

va 1 + 1 + 3 + 2 + 5 = 12

Misollar:

#	INPUT.TXT	OUTPUT.TXT
1	1 5 1	12
2	1 4 3	6
3	5 3 8 10 7 10 1 6 7 4 3	5 36 40 14 6

E. Maksimal foyda olish

Xotira: 16 MB, Vaqt: 1000 ms

Masala

Boltavoyning bir zavodi bor, uning zavodi ishlashi uchun yetarlicha xom-ashyo kerak. Ular xom-ashyoni oladigan ishlab chiqarish fabrikasi har kun bir xil miqdorda mahsulot chiqarishmaydi va uni faqat butunlay sotib olish mumkin,ya'ni bir qismini sotib olish ta'qiqlanadi. Sizga u fabrikaning har kuni qancha mahsulot bera olishi beriladi, xom-ashyolar keyingi kuni ishlatishga yaroqsiz bo'ladi. Bundan tashqari Boltavoyning ham zavodida ishchi kuchi har doim bir xil bo'lmaydi. Sizga uning har bir kundagi ishchi kuchi ham beriladi. U yerdagi ishlashi uchun Boltavoy shu kunni ish kuni deb e'lon qilishi va barcha ishchilarga haq to'lashi kerak.

Sizga berilgan ma'lumotlardan foydalanib Boltavoy n kunda maksimal qancha foyda olishi mumkinligini hisoblang.

Bir kunlik foydani hisoblash: Bir kunda x miqdorda mahsulot olinsa, shuncha miqdorda mahsulot chiqariladi. Mahsulotlar sotilgandan qoladigan foydadan chiqim ayirib tashlansa foyda qoladi. Chiqim bu ishchilar va mahsulotlar uchun ketgan pul.

Kiruvchi ma'lumotlar:

Testning birinchi qatorida 3 ta butun son kiritiladi. Sizga berilgan kun oralig'i n(1≤n≤1000), har bir qism xom-ashyo qismi uchun to'lanishi kerak bo'lgan miqdor m(1≤m≤10000) va har bir ishchiga to'lanishi kerak bo'lgan bir kunlik ish haqqi p(1≤p≤1000), har bir tayyor mahsulot uchun olinadigan foyda(1≤a≤100000).

Keyingi ikkita qatorda:

Fabrika i - kunda ta'minlay oladigan miqdordagi mahsulot (0≤f\(_i\)≤1000)
Zavodda i - kundaishlash uchun kelgan ishchilar soni(0≤k\(_i\)≤1000)

Chiquvchi ma'lumotlar:

Siz yagona qatorda bitta butun son ya'ni masala yechimini chop etishingiz kerak bo'ladi.

Misollar:

#	INPUT.TXT	OUTPUT.TXT
1	5 7 6 21 6 3 2 3 3 3 2 2 3 4	154