Masala #C1QSSSU4KK

Fermer Ahmad o'rmonning ma'lum bir qismini makkajo'xori ekish uchun sotib oldi. U sotib olgan maydonda X ta daraxt bor. Endi uning oldidagi birinchi vazifa o'rmondagi daraxtlarni kesish. Ahmad bu ishni o'zi eplay olmagani sabab, ikkita o'rmonchini yolladi - biri Aziz, ikkinchisi Laziz.

Aziz bir kunda A ta daraxt kesadi va har K-kuni dam oladi. Shunday qilib u K, 2K, 3K ... va hokazo kunlari dam oladi.

Laziz bir kunda B ta daraxt kesadi va har M-kuni dam oladi. Shunday qilib u M, 2M, 3M ... va hokazo kunlari dam oladi.

O'rmonchilar parallel ravishda ishlaydilar, ya'ni ikkala o'rmonchi ham ishlagan kuni A+B ta, faqat birinchisi ishlagan kuni A ta, faqat ikkinchisi ishlagan kuni B ta, ikkisi ham dam olgan kuni 0 ta daraxt kesiladi.

Fermer Ahmad tezroq makkajo'xorini ekishi kerak va u minimal necha kundan so'ng makkajo'xori ekishi mumkin ekanligini bilmoqchi.

Fermerga yordam beruvchi dastur tuzing.

Kirish faylining yagona qatorida 5 ta natural son mavjud: A, K, B, M, X \((1 \le A, B \le 10^9, 2 \le K, M \le 10^{18}, 1 \le X \le 10^{18})\).

Minimal kunlar sonini chop eting.