Masala #QKDNSP2WTB

Robolandiyada n ta ketma-ket bino mavjud, bunda i-bino \(A_i\) qavatdan tashkil topgan. Har doimgidek Robolandiyaga yana yangi hokim saylandi va endi u ketma-ket k ta binoning qavatlari sonini bir xil qilmoqchi. Biror bino ustiga 1 ta qavat qurish yoki 1 qavatni olib tashlash qiymati 1 ga teng. Hokim minimal qiymat evaziga maksimal foyda olishni xohlaydi, ya'ni minimum xarajat yordamida ketma-ket k ta binoning balandligini 1 xil qilishi kerak. Yangi hokimning boshqa vazifalari ham ko'pligi sababli bu vazifa sizga topshirildi. Minimum xarajat qancha bo'lishini aniqlang.

Birinchi qatorda n va k sonlari kiritiladi.

Keyingi n ta qatorning har birida A massiv elementlari kiritiladi.

\(1 \le k  \le n \le 10^5\)

\(1 \le A_i \le 10^6\)

Birinchi qatorda minimum xarajat qancha bo'lishini chop eting.

Keyingi n ta qatorda o'zgarishlardan so'ng har bir bino qavatlari sonini chop eting. 

Agar bir nechta optimal javob mavjud bo'lsa istalganini chop etishingiz mumkin.