🎄 RoboContest Round #100 - Qorbobo vazifasi 🎅

Ko‘hna Shimoliy qutbda Qorbobo o‘z elflari bilan yangi yilga qizg'in tayyorgarlik ko'rmoqda. Bu yil uning vaqti shunchalar tig'iz-ki, hatto har yili yangi yil bayrami arafasida o'tkazadigan dasturlash musobaqasi uchun masalalar tayyorlashga ham vaqti yo'q. Sababi unga bu yilgi sovg'alarni tayyorlash uchun elflar yetishmayapti. Bu ketishda Qorbobo sovg'alarni tayyorlashga o'z vaqtida ulgurmasligi va yangi yil kechasida ba'zi bolalar sovg'asiz qolishi mumkin 😱

Qorbobo endi sizlarning yordamingizga muhtoj. U sovg‘alarni vaqtida yetkazib bera olish uchun o'z elflari bilan jiddiy harakat qilmoqda, ammo vaqt yetarli emas. Shu sababdan u siz – malakali dasturchilardan yordam so‘rayapti. Qorbobo va uning elflariga qo‘shilib, vazifalarni birma-bir bajaring, uning missiyasini davom ettirishiga yordam bering!

Sizni nima kutmoqda?
❄️ Qorbobo bilan bir jamoada ishlash va uning vazifalarida ishtirok etish imkoniyati;
❄️ Sizning dasturlash mahoratingizni sinovdan o‘tkazadigan jumboqlar;
❄️ Va albatta Qorbobo sovg‘alarini bolalarga yetkazishga yordam berganingiz uchun u tomonidan maxsus mukofotlar!

Har bir masala o‘ziga xos bo‘lib, Qorbobo uchun ulkan ahamiyatga ega. Ba’zan sovg‘alar qutilarini to‘g‘ri joylashtirish algoritmini topasiz, ba’zan esa aravani muvozanatda ushlab turish uchun murakkab formulalarni yechishingiz kerak bo‘ladi. Va ehtimol, oxirida, Shimoliy qutbning yashirin sirini ochishingiz ham mumkin... 🌟

Ammo ehtiyot bo‘ling!
Qorbobo har bir elfidan halollik va kuchli fikrlashni talab qiladi. Shuning uchun Shimoliy qutb ma'muriyatini tuzgan va u uchun qoidalar ishlab chiqgan. Ma'muriyat qoidalarini buzish Shimoliy qutbning sehrli muvozanatini buzilishiga olib kelishi mumkin.

Shimoliy qutb ma'muriyati qoidalari:

• Faqat o‘z bilimlaringizni ishlating!
• Sehrli masalalar va ularga yechimlaringiz hech kimga ko‘rinmasin!
• Qoidalarga rioya qilmaganlarni Qorboboning qora ro‘yxati kutmoqda!

Endi esa orzularingizdagi sehrli dasturlash dunyosiga sho‘ng‘ing va Qorboboning yangi yil missiyasini yakunlashiga yordam bering! 🎅💻

Bu yil Qorbobo sizni va boshqa barcha dasturchilarni yordamga chaqirmoqda. Ajoyib yilni boshlash uchun Qorbobo jamoasiga qo‘shiling!