Masala E

Mashhur tadbirkor Aziz Asqarov, N ta korxonaga egalik qiladi. Uning yaqin do‘sti, taniqli moliyachi Bekzod Rustamov esa “TUIT Bank” xolding kompaniyasiga ega bo‘lib, unda ham N ta bank mavjud.
Ularning uzoq yillik hamkorligi tufayli — Azizning korxonalari faqat Bekzodning banklaridan kredit oladi, va Bekzodning banklari faqat Azizning korxonalariga kredit beradi. Kredit summalari soliqlardan qochish maqsadida sir tutilgan.

Ammo bir kuni ularning eski raqibi, Moliyaviy nazorat qo‘mitasi boshlig‘i Jamshid Karimov, o‘tmishdagi raqobatdan o‘ch olishga qaror qiladi. Jamshidning maqsadi — Aziz va Bekzod o‘rtasidagi barcha kredit operatsiyalarini fosh etish.

Avvalo, Jamshidning inspektorlari Azizning korxonalaridan ayrim hujjatlarni qo‘lga kiritishdi.
Har bir korxona uchun jami olingan kredit miqdori aniqlanib, bu SR[i] deb belgilandi.
Keyin esa Bekzodning banklarida o‘tkazilgan reydlarda har bir bank tomonidan berilgan jami kredit miqdori topildi — bu SC[j] qiymatlari sifatida yozildi.

Endi Jamshidning maqsadi — ushbu ma’lumotlar asosida kredit matritsasini tiklash.

Bu matritsa N×N o‘lchamdagi jadval bo‘lib, har bir elementi
A[i, j] = i-korxona Bekzodning j-bankidan olgan kredit miqdori
ko‘rinishida bo‘ladi.

Ma’lumki, har bir kredit miqdori 0 dan 100 gacha bo‘lgan butun son.
Ammo Jamshid olgan ma’lumotlar soxtalashtirilgan bo‘lishi mumkin, shuning uchun bunday matritsani tuzish imkonsiz holatlar ham bo‘ladi.

Birinchi qatorda bitta butun son — N (2 ≤ N ≤ 100) kiritiladi.

Ikkinchi qatorda SR[i] qiymatlar — har bir korxona olgan jami kreditlar (0 ≤ SR[i] ≤ 32000) beriladi.

Uchinchi qatorda SC[j] qiymatlar — har bir bank bergan jami kreditlar (0 ≤ SC[j] ≤ 32000) kiritiladi.

\(\sum SR[i] = \sum SC[j] \) ekanligi kafolatlanadi

Agar bunday kredit matritsasini tuzishning iloji bo‘lmasa, “NO” deb chiqaring.
Aks holda:

• Birinchi qatorda “YES” deb yozing;
• Keyingi N qatorda esa mos holda A[i, j] elementlarni chiqaring (bo‘sh joy bilan ajratilgan holda).

Agar bir nechta yechimlar mavjud bo‘lsa — istalganini chiqarish mumkin.