Masala D

Mardon va Husanboy kalkulyator o'yinini o'ynayapti. 

O'yin sharti quyidagicha:

• Dastlab kalkulyatorda \(N\) soni yozilgan.
• O'yin navbatma-navbat amal bajarish orqali o'ynaladi.
• Navbati kelgan o'yinchi quyidagi ikki amaldan birini bajaradi:
  • Kalkulyatordagi sondan 1 ni ayiradi
  • Ixtiyoriy \(x(1 < x)\) sonini tanlaydi (bunda kalkulyatordagi son \(x\) ga qoldiqsiz bo'linishi talab qilinadi) hamda kalkulyatordagi sonni \(x\) ga bo'lib yuboradi
• O'yin kalkulyatordagi son \(0\) bo'lib qolguniga qadar davom etadi.
• Kalkulyatordagi sonni \(0\) qiymatiga olib kelgan o'yinchi o'yinda g'alaba qozonadi.

O'yinda birinchi amal bajarishni Mardon boshlab bersa hamda har ikkala o'yinchi optimal harakat qilsa o'yinda kim g'alaba qozonishini aniqlang.

Kirish faylining dastlabki satrida bitta butun son, \(T(1 \le T \le 10^3)\) testlar soni kiritiladi.

Keyingi \(T\) ta satrda bittadan butun son, navbatdagi o'yinda tanlangan \(N(1 \le N \le 10^9)\) soni kiritiladi.

Har bir o'yin uchun alohida qatorda o'yin g'olibining ismini chop eting.