Masala B

Efootball (sobiq PES) o‘yinida PvP rejimida o‘yinchilar onlayn o‘yin o‘tkazadi. Har bir o‘yin natijasidan so‘ng o‘yinchining reytingi o‘zgaradi.

Reyting hisoblash qoidalari

1.  O‘yin boshida reyting \(1200\).
2. Agar o‘yin natijasi g‘alaba bo‘lsa, reyting oshadi.
   Ketma-ket g‘alabalar seriyasi uchun qo‘shiladigan ochkolar:
    - birinchi g‘alaba \(30\),
    - ikkinchi ketma-ket g‘alaba \(29\),
    - uchinchi ketma-ket g‘alaba \(28\),
    - va hokazo.
    - Qiymat \(10\) ga yetganda kamayish to‘xtaydi, undan keyingi ketma-ket g‘alabalar uchun \(10\) ochkodan qo‘shiladi.
3. Agar o‘yin natijasi mag‘lubiyat bo‘lsa, reyting kamayadi.
   Ketma-ket mag‘lubiyatlar seriyasi uchun ayriladigan ochkolar:
    - birinchi mag‘lubiyat \(30\),
    - ikkinchi ketma-ket mag‘lubiyat \(29\),
    - uchinchi ketma-ket mag‘lubiyat \(28\),
    - va hokazo.
    - Qiymat \(10\) ga yetganda kamayish to‘xtaydi, undan keyingi ketma-ket mag‘lubiyatlar uchun \(10\) ochko ayriladi.
4. Durang uchun reyting o‘zgarmaydi, \(0\) ochko.
5. Seriyalar yangilanishi:
    - g‘alaba mag‘lubiyat seriyasini \(0\) ga tushiradi, g‘alaba seriyasini \(1\) ga oshiradi.
    - mag‘lubiyat g‘alaba seriyasini \(0\) ga tushiradi, mag‘lubiyat seriyasini \(1\) ga oshiradi.
    - durang ikkala seriyani ham \(0\) ga tushiradi.
6. Har bir o‘yindan keyin agar reyting manfiy bo‘lib qolsa, u \(0\) ga tenglashtiriladi.

Sizga o‘yin natijalari ketma-ketligi beriladi. Shu ketma-ketlik bo‘yicha o‘yinchining yakuniy reytingini hisoblang.

Birinchi qatorda \(k \ (1 \le k \le 10^5)\) - o‘yinlar soni beriladi.
Ikkinchi qatorda uzunligi \(k\) bo‘lgan satr kiritiladi. Har bir belgi o‘yin natijasini bildiradi:
W - g‘alaba
L - mag‘lubiyat
D - durang

Yagona qatorda o'yinchining yakuniy reytingini chop eting.