Masala B

O‘rgimchak ulkan to‘rni qurib qo‘ygan. Bu to‘r \(N \times M\) kataklardan iborat maydon shaklida tasvirlanadi. Har bir katak — o‘rgimchak to‘rining tuguni.

To‘r ichida K ta pashsha ilinib qolgan. Har bir pashsha aynan bitta tugunda joylashgan.

O‘rgimchak juda ayyor: u o‘tirgan joyidan turib, bitta tugunni “markaz” sifatida tanlaydi va barcha pashshalarni shu nuqtaga tortib keladi. Pashshani to‘r bo‘ylab faqat gorizontal yoki vertikal harakatlantira oladi.

Har bir pashshaning “qarshiligi” uning bosib o‘tgan yo‘li uzunligiga teng, ya’ni Manhattan masofasi bilan o‘lchanadi.

O‘rgimchak shunday \((x, y)\) tugunni tanlashi kerakki, barcha pashshalarning umumiy qarshiligi minimal bo‘lsin:

\(\sum (|X_i - x| + |Y_i - y|)\)

Vaqt o‘tishi bilan to‘r o‘zgara boshlaydi. Q ta hodisa sodir bo‘ladi.

Har bir hodisada (X, Y) tugun bilan bog‘liq voqea bo‘ladi:

• agar bu tugunda pashsha bo‘lsa — u to‘rdan chiqib ketadi
• agar yo‘q bo‘lsa — yangi pashsha shu tugunga ilinadi
   

Sizdan talab qilinadi, har bir holat uchun:

• o‘rgimchak tanlaydigan optimal tugun \((x, y)\)
• minimal umumiy qarshilik

Birinchi qatorda uchta butun son \(N,M,K(1≤N,M,K≤200000)\) beriladi.

Keyingi \(K\) qatorda har birida ikkita butun son \(X_i, Y_i \quad (1 \le X_i \le N,\; 1 \le Y_i \le M)\) beriladi.

Bu koordinatalar — o‘rgimchak to‘rida ilingan pashshalar joylashgan tugunlar. Eslatma: bir koordinatada faqat 1 ta pashsha bo'lishi mumkin.

Keyingi qatorda \(Q \quad (0 \le Q \le 200000)\) - so‘rovlar soni beriladi.

Keyingi \(Q\) qatorda har bir so‘rov uchun ikkita butun son \((X, Y)\) beriladi, bu amal quyidagini bildiradi:

• agar \((X, Y)\) da pashsha bo‘lsa — u olib tashlanadi
• agar yo‘q bo‘lsa — yangi pashsha shu joyga qo‘shiladi

Har bir holat (boshlang‘ich holat ham, har bir o‘zgarishdan keyin ham) uchun quyidagilarni chiqaring:

• o‘rgimchak tanlaydigan optimal tugun \((x, y)\)
• minimal umumiy qarshilik