Masala #M079C

Kutilmaganda, erta tongdan yosh Zarif qum maydonchasi qurishni istab qoldi. Ma'lumki qumlar sochilib ketmasligi uchun uning atrofini taxta bilan kvadrat shaklda o'rab chiqish zarur, bunda unga 4 ta bir xil uzunlikdagi taxta bo'laklari kerak bo'ladi. Shoshqaloqligi sabab, Zarif bir xil uzunlikdagi 4 ta taxta o'rniga, har xil uzunlikdagi N ta taxta sotib oldi. Yaxshiyamki, Zarifning qo'lida arra bor va biror taxtani bir necha bo'lakka bo'lishga qodir. Lekin u kasr sonlarni yoqtirmaydi va shu uchun taxtalar uzunligi butun son bo'lishini hamda qum maydoni imkon qadar kattaroq bo'lishini xohlaydi. Zarif qurishi mumkin bo'lgan maksimum maydon yuzasini aniqlang.

Birinchi qatorda N soni kiritiladi. Keyingi qatorda N ta butun son - har bir taxtaning uzunligi kiritiladi. Taxtalar uzunligi natural son va qiymati \(10^9\) dan oshmaydi

\(1 \le N \le 10^6\)

Maksimum qurish mumkin bo'lgan maydon yuzasini chop eting