Masala A

O‘zbekistonda JShShIR (PINFL) jismoniy shaxsni davlat axborot tizimlarida aniq ajratish uchun ishlatiladigan 14 xonali identifikatsiya raqamidir. U pasport, ID-karta, tug‘ilganlik guvohnomasi, soliq, bank, tibbiyot, pensiya, my.gov.uz kabi tizimlarda bir xil shaxsni bog‘lashda xizmat qiladi.

JShShIR 14 ta raqamdan iborat bo‘lib, umumiy ko‘rinishi quyidagicha bo‘linadi.
\(1\) raqam + \(6\) raqam + \(3\) raqam + \(3\) raqam + \(1\) raqam

1-pozitsiya, \(1\) ta raqam. Jins va tug‘ilgan asr indeksi.
\(1\) yoki \(2\) bo‘lsa, \(1800\)–\(1899\) yillarda tug‘ilgan
\(3\) yoki \(4\) bo‘lsa, \(1900\)–\(1999\) yillarda tug‘ilgan
\(5\) yoki \(6\) bo‘lsa, \(2000\)–\(2099\) yillarda tug‘ilgan
Bunda toq qiymat shaxsning erkak, juft qiymat ayol ekanligini bildiradi.

2–7-pozitsiyalar, \(6\) ta raqam. Tug‘ilgan sana \(ddmmyy\) formatida.
\(dd\) kun, \(01\) dan \(31\) gacha
\(mm\) oy, \(01\) dan \(12\) gacha
\(yy\) yilning oxirgi ikki raqami, \(00\) dan \(99\) gacha

8–10-pozitsiyalar, \(3\) ta raqam. Hudud kodi.
11–13-pozitsiyalar, \(3\) ta raqam. Tartib raqami.
14-pozitsiya, \(1\) ta raqam. Nazorat raqami.
Nazorat raqami 1–13-pozitsiyalardagi raqamlar asosida hisoblanadi va yozuvda xatoliklarni aniqlash uchun xizmat qiladi. 

Sizga 14 xonali JShShIR beriladi. Undan shaxsning tug‘ilgan sanasini aniqlang.

Bitta qatorda 14 xonali JShShIR beriladi. U faqat raqamlardan iborat bo‘ladi.

Cheklovlar

JShShIR uzunligi \(14\).

1-pozitsiya qiymati \(1\) dan \(6\) gacha bo‘ladi.

JShShIR qiymati to'g'ri kiritilganligi kafolatlanadi.

Subtasklar

• Subtask 1. Namunaviy testlar (15 ball)
• Subtask 2. Qo'shimcha chegaralarsiz (85 ball)

Bitta qatorda tug‘ilgan sanani \(dd.mm.yyyy\) formatida chop eting.