Masala D

Tub son — bu aynan 2 ta natural bo‘luvchiga ega bo‘lgan son.

Biror sonni p qismga kesish deganda, uning yozuvini chapdan o‘ngga qarab p ta bo‘lakka ajratish tushuniladi. Har bir bo‘lakda kamida 1 ta raqam bo‘lishi kerak. Bo‘laklarni ketma-ket yozib qo‘ysak, boshlang‘ich son qayta hosil bo‘lishi shart.

Masalan, 12045 sonini 2 qismga kesish:

• 1 va 2045
• 12 va 045
• 120 va 45
• 1204 va 5

3 qismga kesish:

• 1, 2, 045
• 1, 20, 45
• 1, 204, 5
• 12, 0, 45
• 12, 04, 5
• 120, 4, 5

Eslatma: bo‘laklar oldida 0 bo‘lishi mumkin (045, 04 kabi). Bu bo‘laklar son sifatida qaraladi (masalan 045 = 45).

Sizga \(N\) ta natural sondan iborat \(a\) massiv va \(K\) soni beriladi.

Har bir berilgan sonni eng ko'pi bilan \(K\) ta bo‘lakka bo'lishingiz mumkin.  

Mumkin bo'lgan barcha kesishlar ichida hosil bo'ladigan eng katta tub sonni toping.

Agar hech qanday tub son hosil bo‘lmasa, 0 chiqaring.

Subtasklar

- Subtask 1 (9 ball): \(K = 1\) \(a[i] \le 1000\)

- Subtask 2 (20 ball): \(K = 1\)

- Subtask 3 (30 ball): \(K \le 2\)

- Subtask 4 (41 ball): Qo'shimcha cheklovlarsiz.

Birinchi qatorda ikkita butun son - \(N, K\) kiritiladi. \((1\le N\le 100, 1\le K\le 10)\)

Ikkinchi qatorda \(N\) ta butun sondan iborat \(a\) massiv elementlari kiritiladi. \((1 \le i \le N, 0 \le a[i] \le 10^9)\)

Bitta son chiqaring — hosil bo‘lishi mumkin bo‘lgan eng katta tub son (agar yo‘q bo‘lsa 0).