Masala #M9LEF01BDG

Ibrohim o‘zining ijodiy jamoasi bilan katta loyiha ustida ishlamoqda. U o‘z jamoasidagi barcha a’zolarni yaxshi biladi, lekin loyihada ba’zi qoidalar bor. Masalan, Ibrohim jamoasida ishlaydigan ikki a’zo birga ishlaganda, ularning hamkorligi samarali bo‘lishi uchun ularning umumiy tajribasi yig‘indisi juft bo‘lishi kerak. Aks holda, ular bir-biri bilan yaxshi ishlashmaydi va bu loyiha uchun katta xatolarga olib kelishi mumkin!

Jamoada birga ishlayotganlar har xil darajadagi tajribaga ega – ba’zilar ko‘proq tajribaga ega (bu ularning soni orqali belgilanadi) va ba’zilar kamroq. Endi, Ibrohimning muammosi: agar ketma-ket ikki odamning tajribasi yig‘indisi juft bo‘lmasa, ularning birini loyihadan chetlashtirish kerak bo‘ladi.

Sizning vazifangiz – iloji boricha kamroq jamoa a’zosini chetlatish orqali barcha ketma-ket a’zolar birga samarali ishlashini ta’minlash.

Dastlab, t \((1≤t≤100)\) test holatlari kiritiladi, bu Ibrohimning nechta jamoasi yoki necha xil loyihasi borligini bildiradi.

Har bir test holati uchun:

• Birinchi qator n \((3≤n≤1000)\) ni o‘z ichiga oladi — jamoa a’zolarining soni.
• Ikkinchi qatorda jamoaning n a’zosi tajribasini ifodalovchi \(a[1],a[2],a[3].....a[n]\) sonlar ketma-ketligi beriladi. \((1<=a[i]<=10^9)\)

Test holatlaridagi barcha a’zolar sonining yig‘indisi 100,000 dan oshmasligi kafolatlanadi.

Har bir test holati uchun bitta sonni chop eting — ketma-ket a’zolar samarali ishlashi uchun loyihadan chiqarish kerak bo‘lgan eng kam a’zo soni.