Masala G

Eslatma: O'yinning asl nomi “Rock, Paper, Scissors, Lizard, Spock”, bu o'yin The Big Bang Theory ko'rsatuvi yordamida Sheldon tomonidan ommalashtirilgan bo'lganligi sababli uni Sheldon's game deb atashadi.

Husanboy va Nurbaxsh "Umumiy o'rta ta'lim tashkilotlarida faoliyat ko'rsatayotgan informatika va axborot texnologiyalari fani o'qituvchilari o'rtasida Respublika olimpiadasi"ning final bosqichiga hakamlik qilish uchun lagerga kelishdi.

Musobaqaning 1-kuni ishtirokchilar uchun juda qiziqarli bo'ldi, chunki ular bir-biridan qiziqarli bo'lgan masalalar ishlashdi. Husanboy va Nurbaxsh musobaqada ishtirok etmagan bo'lsada musobaqaning birinchi kuni ular uchun ham qiziqarli bo'ldi. Bunga sabab Husanboy va Nurbaxsh vaqtlarini qiziqarli o‘tkazish uchun “Rock, Paper, Scissors, Lizard, Spock” o‘yinini o‘ynashga qaror qilishdi.

O‘yin quyidagi qoidalarga ega:

• Scissors kesadi Paperni
• Paper qoplaydi Rockni
• Rock ezadi Lizardni
• Lizard zaharlaydi Spockni
• Spock sindiradi Scissorsni
• Scissors chopib tashlaydi Lizardni
• Lizard yeydi Paperni
• Paper rad etadi Spockni
• Spock bug‘laydi Rockni
• Rock sindiradi Scissorsni

Har bir raundda Husanboy va Nurbaxsh bittadan belgi tanlaydi. Agar Husanboyning belgisi Nurbaxshniki ustidan g‘alaba qozonsa, bu raundni Husanboy yutadi. Agar Nurbaxshning belgisi Husanboyniki ustidan g‘alaba qozonsa, bu raundni Nurbaxsh yutadi. Agar ikkovi bir xil belgi tanlasa, bu raund natijasi durang bo‘ladi.

Sizga Husanboy va Nurbaxsh jami necha marotaba o'yin o'ynaganligi soni \(N\) va har bir raunddagi ikkala o‘yinchining tanlovi beriladi.

Sizning vazifangiz quyidagilarni aniqlash:

• Husanboy nechta g‘alaba qozondi?
• Nurbaxsh nechta g‘alaba qozondi?
• O'yin natijasi necha marotaba durang bo‘ldi?

Kirish faylining dastlabki satrida bitta butun son, \(N(1 \le N \le 10^5)\) soni, jami o'ynalgan raundlar soni kiritiladi. 

Keyingi \(N\) ta satrda bo'sh joy bilan ajratilgan holda ikkita belgi, Husanboy va Nurbaxshning tanlovi kiritiladi.

Tanlov belgilari quyidagilarni anglatadi. S - Scissors, P - Paper, R - Rock, L - Lizard, K - spocK 

Chiqish faylining yagona satrida uchta butun son: 

• Husanboy nechta g‘alaba qozondi?
• Nurbaxsh nechta g‘alaba qozondi?
• O'yin natijasi necha marotaba durang bo‘ldi?

savollariga javobni chop eting.