Masala M

Barchaga ma'lumki yosh avlod uchun raqamli aloqa hayotning ajralmas qismi bo'lishga allaqachon ulgurdi. Hozirda biror bir o'smirning uyali telefonini olib qo'yish unda kuchli stress uyg'otishi mumkin.

Davron ixtisoslashtirilgan maktabda o'qituvchi bo'lib ishlaydi, va u o'quvchilar dars vaqtida telefonga chalg'imasligi uchun quyidagi qarorga keldi: dars jarayonida har bir telefon bilan bog'liq qoidabuzarlik uchun o'quvchilar jarima ballari to'plashadi. Agar o'quvchining yig'gan jarima bali 100 ga yetsa hafta oxirida (ya'ni dam olish kunida) uning telefoni olib qo'yiladi. Jarima ballari har bir hafta uchun alohida hisoblanadi, ya'ni eski haftada yig'ilgan jarima ballari yangi haftaga ko'chib o'tmaydi.

Shunday qilib u o'zining dars o'tadigan sinflariga quyidagi jadvalni e'lon qildi:

Bu ma'lumotlar o'quvchilarga e'lon qilinganidan so'ng Davron har bir hafta uchun alohida qog'ozda haftaning tartib raqamini hamda o'quvchilarning qoidabuzarlik qilish ketma-ketligini o'quvchining ismi va qoidabuzarlik kodi shaklida yozib qo'yishni odat qildi, bu esa unga hafta oxirida o'quvchilarning jarima ballarini hisoblashida va 100 bal yoki undan yuqori bal yig'gan o'quvchilarni jazolashda yordam beradi.

Bugun Davron har bir hafta davomida yozib olingan qog'ozlarini hamkasbi(ya'ni siz)ga ko'rsatmoqda. Siz keltirilgan qaydlardan foydalanib har bir haftada kimlar jazolanganligini aniqlashingiz kerak.

Kirish ma'lumotlarida bir nechta hafta haqida so'rovlar bo'lishi mumkin. So'rovlar soni 50 tadan ko'p emasligi kafolatlanadi.

Har bir so'rov uchun:

• Dastlabki satrda ikkita butun son, \(N (0 < N \le 50)\) va \(M (0 < M \le 50)\) sonlari kiritiladi.  Bu yerda \(N\) - haftaning tartib raqamini, \(M\) esa shu haftada nechta qoidabuzarlik holati qayd etilganligini anglatadi.
• Keyingi \(M\) ta qatorda ikkitadan so'z, qoidabuzarlik qilgan o'quvchining ismi hamda qoidabuzarlik kodi kiritiladi.

Har bir so'rov uchun natijani alohida satrda chop eting. 

Natijani chop etish dastlab hafta tartib raqami bilan, ya'ni N-hafta bilan boshlanishi kerak. Shundan so'ng agarda shu haftada hech qanday jazo qo'llanilmagan bo'lsa "Hech kimning telefoni olib qo'yilmadi" so'zini, aks holda telefoni olib qo'yilgan o'quvchilarning ismini vergul bilan ajratgan holda, ismlarning qaydnomada birinchi uchrashi tartibini saqlab qolgan holda chop eting.