Masala J

Husanboy bilan Shohruh aqliy raqobat qiladigan standart o'yinlarning barchasini birgalikda juda ko'plab marotaba o'ynashgan. Shu sababli ular standart o'yinlardan zerikib qolishdi va o'zlarining aqliy raqobat qiladigan dekart o'yini nomli o'yinlarini o'ylab topishdi. 

O'yin quyidagicha izohlanadi: 

• O'yin ikki o'yinchi orasida o'ynaladi;
• O'yinda amal bajarishni birinchi o'yinchi (\(A\)) boshlab beradi, ikkinchi o'yinchi (\(B\)) davom ettiradi, va shu tariqa o'yinda amal bajarish navbati almashib kelaveradi. Ya'ni \(A \rightarrow B \rightarrow A \rightarrow B \rightarrow A \rightarrow ...\) ketma-ketligida;
• O'yin davomida o'yinchilarda dekart koordinatalar sistemasida joylashgan bitta o'yin toshi mavjud bo'lib bu o'yin toshining dastlabki joylashuv koordinatasi  \((x_0,y_0)\) ekanligi ma'lum. Bu yerda \(x_0\) va \(y_0\) natural sonlar;
• Har bir o'yinchi o'zining amal bajarish navbati kelganida o'yin toshini ayni vaqtdagi koordinatasi \((x, y)\) dan olib, boshqa bir koordinata\((x', y')\)ga joylashtirishi kerak, bunda quyidagi shartlar bajarilishi zarur:
  • \(0 \le x' \le x\)
  • \(0 \le y' \le y\)
  • \(x'\) va \(y'\) butun son
  • \(0 < |x-x'|+|y-y'| \le k\)
• O'z navbati kelganida o'yin toshini \((0,0)\) koordinataga olib kelgan o'yinchi o'yin g'olibi hisoblanadi.

Agarda ushbu o'yinni Husanboy va Shohruh birgalikda o'ynashsa, o'yinda amal bajarishni Husanboy boshlab bersa hamda har ikkala o'yinchi optimal o'ynasa o'yinda kim g'olib bo'lishini aniqlang.

Kirish faylining birinchi satrida ikkita butun son,  \(x_0\) va \(y_0\) sonlari - o'yin boshida o'yin toshi qaysi koordinatada joylashganligi kiritiladi. Ikkinchi satrda esa bitta butun son, \(k\) - o'yin toshini koordinatasini o'zgartirish uchun kiritilgan cheklov masofasi kiritiladi.

Cheklovlar: \(1 ≤ x_0, y_0, k ≤ 1000\)

Eslatma: O'yinni \(Husanboy\) boshlab beradi

Chiqish faylida yagona so'z, ikkala o'yinchi ham optimal o'yin o'ynaganda kim g'olib bo'lishini (\(Husanboy\) yoki \(Shohruh\)) chop eting.