Masala H

Arxeologlar noma'lum qadimiy sivilizatsiyaning yozuv tizimini kashf etishdi. Ko'p yillik tadqiqotlar natijasida ular hayratlanarli xususiyatni aniqladilar: bu tilda so'zning ma'nosi faqat undagi harflar tarkibiga — qaysi harfdan nechtasi borligiga bog'liq, ularning **tartibi esa ahamiyatsiz**. Masalan, `tosh` va `shot` bu tilda aynan bir xil ma'noni anglatadi, chunki ikkalasida ham `t`, `o`, `s`, `h` harflari bittadan ishtirok etadi.

Tadqiqot guruhi yillar davomida \(n\) ta so'zdan iborat lug'at tuzgan. Yaqinda yangi qazilma joydan \(q\) ta noma'lum bitik topildi. Har bir bitik uchun aniqlang: u lug'atdagi biror so'z bilan bir xil ma'noga egami?

Birinchi qatorda ikkita butun son \(n, q\) berilgan — mos ravishda lug'atdagi so'zlar soni va topilgan bitiklar soni. \((1 \le n, q \le 10^5)\)

Keyingi \(n\) ta qatorda har birida bitta so'z berilgan — lug'atdagi so'zlar.

Keyingi \(q\) ta qatorda har birida bitta so'z berilgan — yangi topilgan bitiklar.

Har bir so'z faqat kichik lotin harflaridan iborat.

Har bir so'zning uzunligi kamida \(1\) va ko'pi bilan \(1000\)

\(n\) ta lug'at so'zlari uzunliklari yig'indisi \(\le 10^6\)

\(q\) ta bitiklar uzunliklari yig'indisi \(\le 10^6\)

Har bir bitik uchun alohida qatorda: agar u lug'atdagi biror so'z bilan bir xil harflar tarkibiga ega bo'lsa \(Yes\), aks holda \(No\) deb chiqaring.