Masala K

Asilbek juda mashhur bola, lekin afsuski uning o'qishdagi baholari do'stlari soniga mutanosib emas. Uning do'sti Elbek Asilbekka yordam berishga qaror qildi va sizni dastur yozishga chaqirdi.

Hozirda Asilbekning umumiy o'rtacha bahosi \(N\) ga teng, va u allaqachon \(A\) ta fanga qatnashgan. Asilbek \(B\) ta qo'shimcha fanga qatnashib bo'lgach, umumiy o'rtacha bahosini \(M\) ga yetkazmoqchi. Elbek Asilbekka maqsadga erishish uchun keyingi \(B\) ta fanda qanday o'rtacha baho olishi kerakligini hisoblab berishda yordam bering. Baholash tizimida \(0\) dan past yoki \(10\) dan yuqori baho olish mumkin emas.

Birinchi qatorda \(T\) \((T \le 10^5)\) — test holatlari soni beriladi. Keyingi \(T\) ta qatorda har biri uchun bitta qatorda to'rtta son: \(N\), \(M\), \(A\) va \(B\) \((0 \le N, M \le 10;\ 1 \le A, B \le 100)\) — Asilbekning hozirgi umumiy o'rtacha bahosi, maqsadli umumiy o'rtacha baho, qatnashgan fanlar soni va qatnashadigan fanlar soni, mos ravishda. \(N\) va \(M\) haqiqiy sonlar, \(A\) va \(B\) esa butun sonlar.

Har bir test holati uchun alohida qatorda Asilbek maqsadli o'rtacha bahoga erishishi uchun keyingi \(B\) ta fanda olishi kerak bo'lgan o'rtacha bahoni chop eting (2 ta kasr raqamigacha yaxlitlangan). Agar maqsadga erishib bo'lmasa, `Impossible` so'zini chop eting. Kirishdagi xatolar \(10^{-3}\) gacha bo'lganda ham to'g'ri javob olinishi kafolatlanadi.